Spirit Movie : పాన్ ఇండియా స్టార్ హీరో ప్రభాస్ గత ఏడాది సలార్ మూవీతో బ్లాక్ బస్టర్ హిట్ టాక్ ను సొంతం చేసుకున్నాడు . ఆ తర్వాత ఈ ఏడాది కల్కి అనే ప్రయోగాత్మక సినిమాతో ప్రేక్షకులను పలకరించాడు. ఆ సినిమా బ్లాక్ బాస్టర్ హిట్ టాక్ ను సొంతం చేసుకుంది. సినిమా వచ్చి మూడు నెలలు అవుతున్న కూడా క్రేజ్ తగ్గలేదు. ఓటిటిలో దూసుకుపోతుంది. ఈ సినిమా తర్వాత మరో నాలుగు పాన్ ఇండియా సినిమాలతో ప్రేక్షకులను పలకరించేందుకు రెడీగా ఉన్నారు . ముందుగా రాజా సాబ్ మూవీ రిలీజ్ కాబోతుంది. ఈ సినిమా తర్వాత యానిమల్ డైరెక్టర్ తో స్పిరిట్ చెయ్యబోతున్నాడు. సందీప్ వంగా సినిమాలు ఎలా ఉంటాయో చూసాము. ప్రభాస్ ను ఈ సినిమాలో ఎలా చూపించబోతున్నాడా అని ఫ్యాన్స్ ఆసక్తిగా వెయిట్ చేస్తున్నారు . తాజాగా ఈ మూవీ గురించి ఓ ఇంట్రెస్టింగ్ న్యూస్ సోషల్ మీడియాలో చక్కర్లు కొడుతుంది.

హీరో ప్రభాస్ ప్రస్తుతం వరుస సినిమాలతో బిజీగా ఉన్నాడు. ఇప్పటికే ‘ది రాజా సాబ్’ షూటింగ్‌లో బిజీగా ఉన్న ప్రభాస్, ఈ సినిమాను ముగించుకుని తన నెక్స్ట్ మూవీ ‘ఫౌజీ’లో జాయిన్ అయ్యేందుకు సిద్ధమవుతున్నాడు. ఇక ఈ సినిమా తరువాత తన నెక్స్ట్సందీప్ రెడ్డి వంగా కాంబోలో రాబోతున్న సినిమాలో నటించనున్నాడు. ఈ సినిమా ప్రీ ప్రొడక్షన్ పనుల్లో బిజీగా ఉంది. అయితే, ‘స్పిరిట్’ కోసం సందీప్ రెడ్డి వంగా ఓ పవర్‌ఫుల్ కథను రాసుకున్నాడట. ఈ సినిమాలో ప్రభాస్ డ్యూయల్ రోల్ లో కనిపించనున్నారని టాక్ ఇండస్ట్రీలో వినిపిస్తుంది. ఇక అందులో ఒకటి పోలీస్ పాత్ర అని చిత్ర వర్గాల్లో టాక్. ఇక ఈ సినిమా లో యాక్షన్ డోస్ రెట్టింపుగా ఉండబోతుందట. కాగా, ఈ సినిమా లో విజయ్ దేవరకొండ, రణ్‌బీర్ కపూర్‌ల కేమియో కూడా ఉంటుందని వార్తలు వినిపిస్తున్నాయి. ఇది విన్న డార్లింగ్ ఫ్యాన్స్ మా హీరోను ఎం చేస్తున్నావ్ వంగా అని కామెంట్స్ చేస్తున్నారు.

గత కొన్నిరోజులుగా ఈ మూవీ పై వార్తలు వినిపిస్తున్నాయి. తాను చేసిన సినిమాల హీరోలను ‘స్పిరిట్’లోనూ చూపెట్టాలని సందీప్ రెడ్డి వంగా ప్లాన్ చేస్తున్నాడట. అంతేగాక, ‘స్పిరిట్’లో ఓ స్టార్ హీరోను విలన్ పాత్రలో నటింపజేసేందుకు సందీప్ రెడ్డి ప్రయత్నిస్తున్నాడట. మొత్తానికి యాక్షన్ డ్రామా కథగా వంగా చూపించనున్నారు. దాంతో ఈ సినిమా పై ఫ్యాన్స్ క్యూరియాసిటీ పెరిగిఉపోతుంది. మొత్తానికి ప్రభాస్ ను సరికొత్తగా ప్రేక్ల్షకులకు చూపించేందుకు డైరెక్టర్ మాస్టర్ ప్లాం వేస్తున్నాడు. మరి ఈ సినిమాలో డార్లింగ్ ఎలా ఉంటాడో చూడాలి. ఈ మూవీ కోసం నిర్మాతలు భారీ బడ్జెట్ ను పెట్టడానికి వెనకాడటం లేదని టాక్ .. ఈ సినిమా తర్వాత సలార్ 2 , కల్కి 2 సీక్వెల్స్ పై ఫోకస్ పెట్టనున్నట్లు టాక్ వినిపిస్తుంది. ఆ తర్వాత రాజమౌళి తో సినిమా చెయ్యబోయితున్నట్లు సమాచారం.. ఈ సినిమా ఎలా ఉండబోతుందో అని ఇప్పటినుంచే ఫ్యాన్స్ వెయిట్ చేస్తున్నారు..

Share

• 
• 
• 
• 
• 
•