Dil Raju: గత కొద్ది రోజులుగా ప్రముఖ నిర్మాత దిల్ రాజుపై విమర్శలు వస్తున్నాయి. ‘గుంటూరు కారం’ మూవీకి డిస్ట్రిబ్యూటర్గా ఉన్న ఆయన.. ఈ చిత్రానికే ఎక్కువ ప్రేయారిటీ ఇచ్చి మిగతా సినిమాలకు థియేటర్లు లేకుండా చేశారని దిల్ రాజుపై విమర్శలు చేస్తున్నారు. దీనిపై తాజాగా ఆయన విలేకరుల సమావేశంలో మాట్లాడారు.
ప్రతి సంక్రాంతికి ఏదో రకంగా తనపై విమర్శలు చేస్తున్నారని మండిపడ్డారు. ఇకపై తన గురించి తప్పుడు వార్తలు రాసే వెబ్సైట్ల తాటతీస్తానని హెచ్చరించారు. ఇండస్ట్రీలో పక్కన ఉంటూనే మనపై రాళ్లు వేస్తారని అన్నారు. ప్రతి సంక్రాంతికి ఏదో రకంగా తనపై విమర్శలు చేస్తున్నారని మండిపడ్డారు. ‘హనుమాన్’ ప్రీరిలీజ్ ఈవెంట్లో చిరంజీవి మాట్లాడిన మాటలను కొన్ని వెబ్సైట్లు తప్పుగా వక్రీకరించాయని.. ఇక తనపై తప్పుడు వార్తలు రాసే వెబ్సైట్ల తాటతీస్తా అని ఫైర్ అయ్యారు.
నైజాంలో ‘హనుమాన్’, ‘గుంటూరు కారం’ సినిమాలకు థియేటర్లు ఉన్నాయని అన్నారు. కానీ, నాగార్జున, వెంకటేశ్ సినిమాలకు స్క్రీన్లు దొరకడం లేదని తెలిపారు. వెబ్సైట్ల వ్యూస్ కోసం తన పేరు వాడితే ఊరుకునేది లేదని తీవ్ర స్థాయిలో హెచ్చరించారు.