Dasara: దసరా. మోస్ట్ అవెయిటెడ్ మూవీ. పాటలు, ట్రైలర్ పిచ్చెక్కిస్తున్నాయి. నాని ఊరమాస్ గెటప్, స్లాంగ్, యాక్షన్ నెక్ట్స్ లెవెల్లో ఉంది. కీర్తి సురేశ్ మాస్ లుక్లో అదిరిపోయింది. పక్కా తెలంగాణ యాస. పదునైన భాష. మ్యూజిక్ కిరాక్ లేపుతోంది. సినిమా ఎప్పుడొప్పుడు చూసేద్దామా అనే ఉత్సాహం కలుగుతోంది. నాని నటనా విశ్వరూపం చూడాలంటే.. దసరా రావాలంటే.. మార్చి 30 వరకు ఆగాల్సిందే. పాన్ ఇండియా మూవీ కావడంతో దసరాపై అంచనాలు హైరేంజ్లో ఉన్నాయి.
లేటెస్ట్గా దసరా సెన్సార్ కంప్లీట్ చేసుకుంది. UA సర్టిఫికెట్ ఇచ్చినా.. సెన్సార్ సభ్యులు కత్తెరకు బాగానే పని చెప్పారు. సబ్టైటిల్స్తో సహా అసభ్యకర సంభాషణలను ‘మ్యూట్’ చేయాలని నిర్దేశించారు. వైలెన్స్ అధికంగా ఉన్న సన్నివేశాలను CGతో కవర్ చేయాలని సూచించారు. డిస్క్లైమర్లో వేసిన ‘ధూమపానం, మద్యపానం ఆరోగ్యానికి హానికరం’ టెక్ట్స్ ఫాంట్ సైజ్ పెంచాలని చెప్పారు. మొత్తంగా 16 కట్స్ చెప్పింది సెన్సార్ బోర్డ్. అన్ని కట్స్ తర్వాత కూడా సినిమా నిడివి 2 గంటల 39 నిమిషాలు వచ్చింది.
అయితే, భారీగా సెన్సార్ కట్స్ చెప్పడంపై నాని అభిమానులు మండిపడుతున్నారు. సెన్సార్ సభ్యుల్లో అసలు తెలంగాణ వాళ్లు ఉన్నారా? వారికి ఆ భాష అసలు అర్థమై ఉంటుందా? తెలంగాణ భాష కాబట్టే అన్ని కట్స్ చేప్పారా? అంటూ సోషల్ మీడియాలో కామెంట్లతో కుమ్మేస్తున్నారు.
సింగరేణి మైన్స్ సమీపంలో ఉండే వీర్లపల్లి గ్రామం నేపథ్యంలో దసరా తెరకెక్కింది. కొత్త డైరెక్టర్ శ్రీకాంత్ ఓదెల.. నానిని కంప్లీట్గా మేకోవర్ చేశాడు. పూర్తి గ్రామీణ నేపథ్యంలో, పక్కా మాస్ మసాలా మూవీగా దసరాను తీశారు. ఇప్పటికే అడ్వాన్స్ బుకింగ్స్ ఓపెన్ అయ్యాయి. మార్చి 30నే థియేటర్లలో దసరా పండుగు.