Manchu Family : మంచు ఫ్యామిలీలో విభేదాలు రచ్చకెక్కాయి. అన్నదమ్ముల మధ్య బంధం బలహీనపడింది. విష్ణు- మనోజ్ మధ్య వివాదాలు రాజుకున్నాయి. మనోజ్ వద్ద పనిచేస్తున్న వ్యక్తిపై విష్ణు దాడి చేసిన విజువల్స్ వైరల్ గా మారాయి. మంచు మనోజ్ ఈ విజువల్స్ ను బయటపెట్టడంతో ఇది అన్నదమ్ముల వివాదమని తేలిపోయింది. విష్ణుపై మనోజ్ పెట్టిన స్టేటస్ సంచలనంగా మారింది.

మంచు ఫ్యామిలికి కొంతకాలంగా సారథి అనే వ్యక్తి సన్నిహితంగా ఉంటున్నాడు. అయితే అతను ఈ మధ్య మనోజ్ వద్ద పనిచేస్తున్నాడు. సారథి ఇంటికి వెళ్లి విష్ణు గొడవపడతున్న దృశ్యాలు ఇప్పుడు వైరల్ గా మారాయి. ఈ వీడియోను విడుదల చేసి ఇళ్లలోకి చొరబడి ఇలా కొడుతూ ఉంటాడని విష్ణపై మనోజ్ చేసిన కామెంట్స్ రచ్చ రేపుతున్నాయి. మంచు ఫ్యామిలీలో అన్నదమ్ముల మధ్య విభేదాలు హాట్ టాపిక్ గా మారాయి. సోషల్ మీడియోలో ఇదే చర్చ నడుస్తోంది. తండ్రి మోహన్ బాబు రంగంలోకి దిగారు. ఏం జరిగిందో తెలుసుకుంటున్నారు.

మంచు మోహన్ బాబు ఏ కార్యక్రమానికి వెళ్లినా, ఏ వేదికపై మాట్లాడినా తాను క్రమశిక్షణకు మారుపేరని ఎప్పుడూ అంటూ ఉంటారు. తన పిల్లలను అలాగే పెంచానని చెబుతూ ఉంటారు. అలాంటి కుటుంబంలోని అన్నదమ్ముల మధ్య విభేదాలు రచ్చకెక్కాయి. మరి తండ్రి మోహన్ బాబు రంగంలోకి దిగి తన కొడుకుల మధ్య సయోధ్య కుదురుస్తారా..? అన్నదమ్ముల మధ్య రాజుకున్న అగ్గిని చల్లారుస్తారా..?

Share

• 
• 
• 
• 
• 
•