Kiara Sidharth: బాలీవుడ్ స్టార్ హీరో సిద్ధార్థ్ మల్హోత్ర, హీరోయిన్ కియారా అద్వానీల ప్రేమ వ్యవహారం అందరికీ తెలిసిందే. వారిద్దరూ త్వరలో పెళ్లి చేసుకోబోతున్నారని బీటౌన్లో కొద్దిరోజులుగా టాక్ వినిపిస్తోంది. ప్రస్తుతం వారి పెళ్లికి సంబంధించి ఓ క్రేజ్ అప్డేట్ వైరలవుతోంది.
ఈ జోడీ ప్రస్తుతం పెళ్లి పనుల్లో ఫుల్ బిజీగా ఉందట. దుబాయ్లో ఈనెల 4, 5న సంగీత్, హల్దీ వేడుకలు జరగనున్నాయట. అలాగే 6న రాజస్థాన్లోని జైసల్మీర్లో ఓ స్టార్ హోటల్లో వారి వివాహం జరగనుందట. ఇరు కుటుంబ సభ్యులు, అత్యంత సన్నిహితులు మాత్రమే ఈ వేడుకకు హాజరుకానున్నట్లు తెలుస్తోంది.
ఇక సినీ ప్రముఖులు, ఇతరుల కోసం ముంబైలోని ఓ హోటల్లో రిసెప్షన్ ప్లాన్ చేస్తున్నారని టాక్ వినిపిస్తోంది. అయితే ఈ వార్తలపై సిద్దార్థ్, కియారా అధికారికంగా ఎటువంటి ప్రకటన తెలియలేదు.