Bhumi Pednekar:ఇంత‌కు ముందు చేసిన రెండు సినిమాలు పెద్ద‌గా రాణించ‌లేదు క‌దా! ఎలాగైనా ఈసారి హిట్ కొట్టాల‌నే ఆలోచ‌న‌తో ఉన్నారు సూప‌ర్‌స్టార్ మహేష్, స్టార్ డైరెక్ట‌ర్ త్రివిక్రమ్. వీరిద్ద‌రి కల‌యిక‌లో హారిక అండ్ హాసిని క్రియేష‌న్స్ బ్యాన‌ర్‌పై ఓ సినిమా రూపొందుతోన్న సంగ‌తి తెలిసిందే. SSMB 28గా రూపొందుతోన్న తాజా షెడ్యూల్ హైద‌రాబాద్ శివారు ప్రాంతంలో వేసిన భారీ సెట్‌లో చిత్రీక‌ర‌ణ‌ను జ‌రుపుకుంటోంది. లేటెస్ట్ స‌మాచారం మేర‌కు SSMB 28లో ముచ్చ‌ట‌గా మూడో హీరోయిన్ కూడా జాయిన్ కానుంది.
త్రివిక్రమ్ సినిమాలో న‌టీన‌టులు స్టార్సే క‌నిపిస్తారు. ఆ కోవ‌లో SSMB 28 కోసం ఏకంగా బాలీవుడ్ గ్లామ‌ర్ డాల్‌ను న‌టింప చేసే ప్ర‌య‌త్నం చేస్తున్నార‌ట మహేష్ బాబు. ఇంత‌కీ ఆమె ఎవ‌రో కాదు.. భూమి పెడ్నేకర్. ల‌స్ట్ స్టోరీస్ స‌హా ఎన్నో వైవిధ్య‌మైన సినిమాల్లో న‌టించి మెప్పించిన భూమి పెడ్నేకర్ నటిగా తనకంటూ ఓ ప్రత్యేకమైన గుర్తింపును సంపాదించుకుంది. ఇప్పటి వరకు ఆమె సౌత్ సినిమాల్లో నటించలేదు. అయితే SSMB 28తో తొలిసారి టాలీవుడ్‌లో ఎంట్రీ ఇవ్వ‌నుంది. మ‌రి ఆమె పాత్ర‌కు త్రివిక్రమ్ ఎలాంటి ప్రాధాన్య‌త ఇస్తారోన‌నేది సినిమా రిలీజ్ అయితే కానీ చెప్ప‌లేం.
ఇప్ప‌టికే ఈ సినిమాలో పూజా హెగ్డే, శ్రీలీల హీరోయిన్స్‌గా న‌టిస్తున్నారు. వీరితో పాటు ఇప్పుడు భూమి పెడ్నేకర్ కూడా జాయిన్ అయితే మరింత క‌ల‌ర్‌ఫుల్‌గా సినిమా ఉంటుంద‌న‌టంలో సందేహ‌మే అక్క‌ర్లేదు. భారీ అంచ‌నాలతో SSMB 28 సినిమాను త్రివిక్రమ్ రూపొందిస్తున్నారు. ఈ సినిమాలో మహేష్ సిక్స్ ప్యాక్ లుక్‌తో కనిపించ‌నున్నార‌నేది ఓ టాక్‌. రీసెంట్‌గా విడుద‌లైన మహేష్ లుక్స్ చూస్తుంటే అది నిజ‌మేన‌నిపిస్తుంది. అన్ని కార్య‌క్ర‌మాల‌ను పూర్తి చేసి SSMB 28ను ఆగ‌స్ట్ 11న రిలీజ్ చేస్తామ‌ని మేక‌ర్స్ ఇప్ప‌టికే తెలిపారు.
Astrologer Venu Swamy:తార‌క‌ర‌త్న చ‌నిపోతాడ‌ని ఆస్ట్రాల‌జ‌ర్ వేణుస్వామికి ముందే తెలుసా?
Prabhu: కోలీవుడ్ న‌టుడు ప్ర‌భుకి అస్వ‌స్థ‌త.. టెన్ష‌న్‌లో ఫ్యాన్స్
Share
Mitchell and Cameron:ఆ ఇద్దరూ వచ్చేస్తున్నారు.. ఇక భారత్‌కు కంగారేనా?
RevanthReddy : బాలుడి మృతిపై ప్రభుత్వం తీరు దారుణం.. మానవత్వం లేదు: రేవంత్ రెడ్డి
