Balayya and jr Ntr : బాలయ్య 109 ఫిక్స్..అబ్బాయికి బాబాయి భారీ షాక్..

Balayya and jr Ntr : టాలీవుడ్ లో నందమూరి కుటుంబానికి ప్రత్యేకమైన ఫ్యాన్ బేస్ ఉంది. నందమూరి నట వారసులుగా ఇప్పటికే ఆ కుటుంబం నుంచి ఎందరో హీరోలు సినీ ఇండస్ట్రీకి పరిచయం అయ్యారు. వీరందరిలో బాలకృష్ణ ,జూనియర్ ఎన్టీఆర్ స్టార్ హీరోలుగా తమ సత్తా చాటుతున్నారు.

వరుస హిట్ లతో బాబాయి..అబ్బాయి ఇద్దరు మంచి ఫామ్ లో ఉన్నారు. రాబోయే సంక్రాంతికి అబ్బాయికి బాబాయి పెద్ద షాక్ ఇవ్వబోతున్నాడు అని ఇండస్ట్రీ టాక్. ఇప్పటికే బాలయ్య 109 మూవీ గురించి వచ్చిన క్రేజీ అప్డేట్ సోషల్ మీడియాలో హల్చల్ చేస్తుంది.

షూటింగ్ ప్రారంభమైన దానికి ఇండికేషన్ గా గొడ్డలి పైన సన్ గ్లాసెస్ తో ఉన్న సూపర్ హైప్ పోస్టర్ ను మూవీ మేకర్స్ విడుదల చేశారు.శరవేగంగా షూటింగ్ పూర్తి చేసి సంక్రాంతి బరిలో మూవీని దింపడానికి మేకర్ స్ట్రాంగ్ గా ఫిక్స్ అయ్యారు అని వార్తలు వచ్చాయి. వరుస హిట్ మూవీస్ తో నటసింహం మంచి జోరు మీద ఉంది.. ఈ నేపథ్యంలో రాబోయే మూవీపై కూడా అంచనాలు భారీగా ఉన్నాయి. ఈ ఏడాది ఆరంభంలో సంక్రాంతికి వీరసింహారెడ్డి బాక్సాఫీస్ వద్ద వీరవిహారం చేసింది. అదే జోరుతో దసరాకి వచ్చిన ‘భగవంత్ కేసరి’ వసూళ్ల వర్షం కురిపించింది. అఖండ తర్వాత ఇది హ్యాట్రిక్ విజయం కావడంతో బాలయ్య ఫుల్ స్పీడుతో దూసుకుపోతున్నాడు.

అయితే ఇప్పుడు ఈ రిలీజ్ విషయంపై మరొక అప్డేట్ సోషల్ మీడియాలో హల్చల్ చేస్తోంది. బాలయ్య సినిమా సంక్రాంతికి కాకుండా వచ్చే సమ్మర్ కి సందడి చేయబోతోందట. మరోపక్క జూనియర్ ఎన్టీఆర్ దేవర చిత్రంతో ప్రేక్షకుల ముందుకి నెక్స్ట్ సమ్మర్ కి వస్తున్నాడు .ఆర్ఆర్ఆర్ సక్సెస్ తర్వాత ఎన్టీఆర్ నుంచి వస్తున్న నెక్స్ట్ మూవీ దేవర. అందుకే ఈ చిత్రం పై అంచనాలు భారీగా ఉన్నాయి. తారక్, కొరటాల కాంబోలో వస్తున్న ఈ మూవీ తో శ్రీ దేవి కూతురు జాన్వి కపూర్ టాలీవుడ్ లోకి ఎంట్రీ ఇస్తోంది. ఫుల్ లెంగ్త్ యాక్షన్ ఓరియెంటెడ్ చిత్రంగా తెరకెక్కుతున్న ఈ మూవీ రెండు భాగాలుగా రిలీజ్ చేయాలి అని మేకర్స్ అనుకున్న విషయం తెలిసిందే. ఇందులో పార్ట్ 1 ఏప్రిల్ 5వ తారీఖున గ్రాండ్ గా రిలీజ్ అవుతుంది.

1980 నేపథ్యంలో సాగే బాలయ్య కథను వీలైనంత త్వరగా పూర్తిచేసి సమ్మర్లో విడుదల చేయబోతున్నట్లు ఇండస్ట్రీ టాక్. పైగా ఈ చిత్రం వచ్చే సంవత్సరం మార్చి 29వ విడుదలయ్య అవకాశం ఉందని తెలుస్తోంది. మార్చి 28వ తేదీకి లెజెండ్ సినిమా విడుదలై 10 సంవత్సరాలు పూర్తవుతాయి. ఈ నేపథ్యంలో 29వ తారీఖున బాలయ్య 109 మూవీ విడుదల చేయాలని మేకర్స్ భావిస్తున్నారట.

ఇదే కనుక జరిగితే ఎన్టీఆర్ మూవీకి వారం రోజుల ముందు బాలయ్య మూవీ విడుదలవుతుంది. అంటే ఈ రెండు మూవీస్ మధ్య భయంకరంగా క్లాష్ వచ్చే అవకాశం ఉంది. ఇదే జరిగితే అబ్బాయికి..బాబాయ్ నుంచి మంచి షాక్ ఇచ్చినట్లు అవుతుంది అని అందరూ అనుకుంటున్నారు.