Actor Sathyaraj: కోలీవుడ్ నటుడు సత్యరాజ్ గురించి తెలుగువారికి ప్రత్యేకంగా పరిచయం చేయాల్సిన అవసరం లేదు. ఒకప్పుడు హీరోగా మంచి స్టార్ డమ్ ను అందుకున్న సత్యరాజ్ రీఎంట్రీలో కూడా స్టార్ నటుడుగా కొనసాగుతున్నాడు. ఇక తెలుగులో బాహుబలి సినిమాలో కట్టప్ప పాత్రలో నటించి మెప్పించాడు. ఇప్పటికీ సత్యరాజ్ అంటే గుర్తుపట్టనివారు కట్టప్ప అనగానే గుర్తుపడతారు.
స్టార్ హీరోల సినిమాల్లో కీలకపాత్రలు చేస్తూ అలరిస్తున్న సత్యరాజ్.. తాజాగా ఒక లక్కీ ఛాన్స్ కొట్టేసినట్లు తెలుస్తోంది. భారత ప్రధాని నరేంద్ర మోడీ బయోపిక్ లో సత్యరాజ్ నటించనున్నాడు. గత కొంతకాలం క్రితం మోడీ బయోపిక్ అంటూ ఒక సినిమా వచ్చింది. అందులో మోడీ పాత్రలో బాలీవుడ్ హీరో వివేక్ ఒబెరాయ్ నటించాడు. ఈ సినిమా రిలీజ్ అయ్యింది అన్నమాటే కానీ, అసలు ఎప్పుడు వచ్చింది.. ఎప్పుడు పోయింది అనే విషయం కూడా జనానికి తెలియదు.
ఇక ఇప్పుడు మోడీ జీవీతంపై మరో సినిమా రానుంది. ఈ సినిమాలో మోడీగా కట్టప్ప సత్యరాజ్ నటించనున్నాడు. ఈ విషయం సోషల్ మీడియాలో వైరల్ గా మారింది. అయితే అసలు ఈ సినిమా ఎవరు తెరకెక్కిస్తున్నారు.. ? ఎవరు నిర్మిస్తున్నారు.. ? అనే వివరాలు ఇంకా బయటకు రాలేదు.
ఇక ఈ విషయం తెలియదంతో సత్యరాజ్ లక్కీ ఛాన్స్ పట్టేశాడని నెటిజన్స్ కామెంట్స్ పెడుతున్నారు. ఈ సినిమాను పాన్ ఇండియా లెవెల్లో నిర్మించనున్నారని, కొత్తవారు కాకుండా అందరూ స్టార్ సెలబ్రిటీలు ఇందులో నటించనున్నారని సమాచారం. మరి ఈ సినిమాతో సత్యరాజ్ ఎలాంటి విజయాన్ని అందుకుంటాడో చూడాలి.