Ayalaan OTT Release: తమిళ నటుడు శివకార్తికేయన్ హీరోగా నటించిన లేటెస్ట్ మూవీ ‘అయలాన్’. ఫాంటసీ సైన్స్ ఫిక్షన్ కథతో తెరకెక్కింది. ఈ చిత్రంలో రకుల్ ప్రీత్ సింగ్ హీరోయిన్‌గా నటించింది. ఆర్.రవికుమార్ దర్శకత్వం వహించారు. పాన్ ఇండియా రేంజ్‌లో తెరకెక్కిన ఈ సినిమా టాలీవుడ్‌లో తప్ప మిగతా అన్ని ప్రాంతాల్లో విడుదలైంది. సంక్రాంతికి చాలా సినిమాలు రిలీజ్ కావడంతో ఈ సినిమా తెలుగు రిలీజ్ వాయిదా పడింది. ఇప్పుడు ఇది రిలీజ్‌కు సిద్ధమైంది.

రిపబ్లిక్ డే సందర్భంగా జనవరి 26న తెలుగులో రిలీజ్ కాబోతుంది. ఇదిలా ఉంటే తాజాగా ఈ మూవీ ఓటీటీ రిలీజ్‌కు సంబంధించి ఓ వార్త నెట్టింట వైరల్ అవుతోంది. ఈ మూవీ ఓటీటీ రైట్స్‌ను ప్రముఖ స్ట్రీమింగ్ సంస్థ సన్‌నెక్స్ట్ సొంతం చేసుకుంది. దీంతో ఈ సినిమా ఫిబ్రవరి 16 నుంచి ఓటీటీలో స్ట్రీమింగ్ కాబోతున్నట్లు గుస గుసలు వినిపిస్తున్నాయి. తమిళంతో పాటు తెలుగులోనూ అదే రోజు రిలీజ్ కానున్నట్లు తెలుస్తోంది. త్వరలో దీనిపై అఫీషియల్ అనౌన్స్‌మెంట్ రావాల్సి ఉంది.

Share

• 
• 
• 
• 
• 
•