Bollywood Actress : అవును నిజమే. బాలీవుడ్ ఇండియాలోనే గొప్ప సినిమా ఇండస్ట్రీ. కానీ, ఇక్కడ చిన్న మార్పు. అది ఏంటంటే… బాలీవుడ్ గతంలో ఇండియాలోనే గొప్ప ఇండస్ట్రీ. ఇప్పుడు కాదు. ఇప్పుడు భారతీయ సినిమాలో ఏ ఇండస్ట్రీ టాప్ లో ఉంది అంటే… అన్ని రాష్ట్రాల నుంచి వచ్చే పేరు టాలీవుడ్. అందుకే ఇప్పుడు అందరూ టాలీవుడ్ పై కన్నెశారు. ముఖ్యంగా బాలీవుడ్ వాళ్లు ఈ లిస్ట్ లో ముందున్నారు. ఇప్పటికే చాాలా మంది బాలీవుడ్ నటీనటులు తెలుగు సినిమాల్లో కనిపించారు. ఇక దివంగత నటి శ్రీదేవి కూతురు జాన్వీ కపూర్ అయితే ఏకంగా రెండు సినిమాలకు హీరోయిన్ గా సైన్ చేసింది. అందులో ఒకటి దేవర మూవీ ఈ నెల 27న రిలీజ్ కాబోతుంది. మరొకటి రామ్ చరణ్ నుంచి రాబోయే చిత్రం RC16. ఈ మూవీ షూటింగ్ త్వరలోనే స్టార్ట్ కాబోతుంది. ఇదిలా ఉండగా, ఇప్పుడు మరో బాలీవుడ్ హీరోయిన్ తెలుగు ఇండస్ట్రీలోకి రాబోతుందట. ఆ హీరోయిన్ ఎవరో ఇప్పుడు తెలుసుకుందాం…

జాన్వీ కపూర్ హిందీలో చాలా సినిమాలు చేసింది. కొన్ని లేడీ ఒరియెంటెడ్ సినిమాలు కూడా ఉన్నాయి అందులో. అయితే ఒక్క మూవీ కూడా బ్లాక్ బస్టర్ హిట్ కాలేదు. ఇప్పుడు తెలుగులో ఆర్ఆర్ఆర్ మూవీతో గ్లోబల్ రేంజ్ లో గుర్తింపు తెచ్చుకున్న జూనియర్ ఎన్టీఆర్ తో సినిమా జాన్వీ కపూర్ సినిమా చేస్తుంది. ఆచార్య డిజాస్టర్ తర్వాత కొరటల శివ తారక్ తో ఈ దేవర సినిమా చేస్తున్నాడు. ఈ మూవీ సెప్టెంబర్ 27న పాన్ ఇండియా వైడ్ గా రిలీజ్ కాబోతుంది. ఇప్పటికే ప్రమోషన్స్ జోరుగా చేస్తున్నారు.

ట్రైలర్ రిలీజ్ అయ్యాకా ఈ మూవీపై కొన్ని ట్రోల్స్ వచ్చిన మాట వాస్తవమే. కానీ, సినిమా అయితే తప్పకుండా భారీ విజయం సాధిస్తుందని తారక్ ఫ్యాన్స్ నమ్ముతున్నారు. అలాగే, ఇదే మూవీలో బాలీవుడ్ స్టార్ సైఫ్ అలీ ఖాన్ ఉన్నారు. దీంతో బాలీవుడ్ లో కూడా ఈ సినిమాపై మంచి అంచనాలు ఉన్నాయి. మొత్తంగా జాన్వీ కపూర్ తొలి తెలుగు మూవీ భారీ విజయం దక్కించుకోబోతుంది అనే మాట ఇప్పుడు బాలీవుడ్ లో చక్కర్లు కొడుతుంది.

ఈ విషయాన్ని కాస్త సీరియస్ గా తీసుకున్నట్టు ఉంది సార అలీ ఖాన్. జాన్వీ కపూర్, సార అలీ ఖాన్ మంచి ఫ్రెండ్స్. బాలీవుడ్ లో జాన్వీ ఉన్నప్పుడు పరిస్థితి ఏంటో సార అలీ ఖాన్ కి బాగా తెలుసు. ఇప్పుడు తెలుగు ఇండస్ట్రీలోకి వెళ్లిన ఫస్ట్ మూవీతోనే పాన్ ఇండియా గుర్తింపు తో పాటు ఓ భారీ హిట్ జాన్వీ చేతిలోకి వెళ్లబోతుంది. ఇక తాను కూడా తెలుగు ఇండస్ట్రీలోకి వస్తే ఇలాంటి హిటే వస్తుందని అనుకుంటుందట. ఇక ఏ మాత్రం ఆలోచించకుండా, తెలుగు సినిమాలు చేయడానికి రెడీ అని చెప్పేసిందట.

ప్రస్తుతం వరుస పెట్టి కథలను వింటున్నట్టు సమాచారం. అతి త్వరలోనే సార అలీ ఖాన్ టాలీవుడ్ లో అడుగు పెట్టే ఛాన్స్ ఉంది. ఈమె తెలుగు ఇండస్ట్రీలోకి వస్తే, రామ్ చరణ్, విజయ్ దేవరకొండ, తారక్, మహేష్ బాబు, అల్లు అర్జున్ లాంటి హీరోలకు బాగా సెట్ అవుతుందని తెలుగు ఆడియన్స్ అంటున్నారు. చూడాలి మరి సార అలీ ఖాన్ ఫస్ట్ తెలుగు మూవీ ఏ హీరోతో ఉంటుందో…

Share

• 
• 
• 
• 
• 
•