Shreyas Talpade : బాలీవుడ్ నటుడు శ్రేయాస్ తల్పాడే (47 ), గురువారం సాయంత్రం ముంబైలో గుండెపోటుతో కుప్పకూలారు. వెంటనే ముంబైలోని అంధేరీ వెస్ట్లోని బెల్లె వ్యూ ఆసుపత్రికి తరలించారు. ఆయనను పరీక్షించిన వైద్యులు యాంజియోప్లాస్టీ చేశారు. ప్రస్తుతం శ్రేయాస్ ఆరోగ్య పరిస్థితి నిలకడగా ఉందని ఆస్పత్రి సిబ్బంది తెలిపారు.
నటుడు శ్రేయాస్.. రాబోయే ప్రాజెక్ట్ “వెల్కమ్ టు ది జంగిల్” షూటింగ్ కోసం రోజంతా గడిపినట్లు తెలిసింది. అతను గురువారమంతా షూటింగ్ లో పాల్గొన్నాడని, షూట్లో చిన్న యాక్షన్ సన్నివేశాలు ఉన్నాయని సిబ్బంది వెల్లడించారు.
సెట్లో శ్రేయాస్ బాగానే కనిపించాడని, తన సహోద్యోగులతో సరదాగా నవ్వుతూ కనిపించాడని సిబ్బంది తెలిపారు. శ్రేయాస్ తన షూటింగ్ ముగించుకుని ఇంటికి చేరుకుని, తన భార్య దీప్తికి ఆరోగ్యం బాగోలేదని చెప్పడంతో అందరు ఆందోళన చెందారు. కొద్దిసేపటికే అతను గుండె నొప్పితో కుప్పకూలిపోయారు. కుటుంబ సభ్యులు వెంటనే ఆసుపత్రికి తరలించగా.. వైద్యులు చికిత్స చేశారు. కాగా.. హిందీ పుష్ప సినిమాలో మెయిన్ క్యారెక్టర్ కు శ్రేయాస్ తల్పడే వాయిస్ ఇచ్చారు.