Samantha: స్టార్ హీరోయిన్ సమంత గురించి ప్రత్యేకంగా చెప్పాల్సిన పని లేదు. నాగచైతన్యతో విడాకులు తీసుకున్న తర్వాత సినిమాలపైనే ఫోకస్ పెట్టింది ఈ బ్యూటీ. వరుస సినిమాలతో ఫుట్ బిజీగా ఉన్న సమయంలో మయోసైటిస్ భారిన పడడంతో కెరీర్ మధ్యలో కాస్త బ్రేక్ వచ్చింది. దాదాపు ఎనిమిది నెలల పాటు ఆ వ్యాధితో పోరాడి ఇప్పుడిప్పుడే కోలుకుంటోంది. తిరిగి సినిమాలపై ఫోకస్ పెడుతోంది.

ప్రస్తుతం సమంత నటించిన ‘శాకుంతల’ సినిమా రిలీజ్‌కు సిద్ధంగా ఉంది. ఫిబ్రవరి 17న ప్రేక్షకుల ముందుకు రానుంది. అలాగే ‘సిటాడెల్’ అనే సినిమాలో కూడా సామ్ నటిస్తోంది. ఈ క్రమంలో ఈ మూవీ షూటింగ్.. అటు ‘శాకుంతల’ ప్రమోషన్స్‌లో ఫుల్ బిజీగా ఉంది.. సమంత.

తాజాగా జనవరి నెలలో తన లైఫ్ ఎలా గడిచిందో తెలియజేస్తూ.. వర్క్‌లైఫ్‌కు సంబంధించిన కొన్ని ఫొటోలను సామ్ షేర్ చేసింది. ‘‘ఊపిరి పీల్చుకో పాప. గడిచిన ఎనిమిది నెలలు అత్యంత క్లిష్ట పరిస్థితులను చూస్తూ ముందుకు సాగావు. ఆ పరిస్థితులను ఎప్పటికీ మర్చిపోకు.. దేనిపైనా దృష్టిపెట్టలేకపోయావు.. ఆలోచించలేకపోయావు.. సరిగ్గా నడవలేకపోయావు.. అన్ని ఇబ్బందులను ఎదుర్కొని ధైర్యంగా ముందుకు సాగావు. నీ విషయంలో ఎంతో గర్వంగా ఉన్నాను. అలాగే ధైర్యంతో ముందుకు సాగిపో’’ అంటూ తనకు తానే ధైర్యం చెప్పుకునే ప్రయత్నం చేసింది. ప్రస్తుతం ఈ పోస్ట్ సోషల్ మీడియాలో వైరలవుతోంది.

Share

• 
• 
• 
• 
• 
•