Shankar: ఈ మధ్యకాలంలో సోషల్ మీడియాలో హోమ్ టూర్ల ట్రెండ్ నడుస్తోంది. ఇళ్లంతా చూపిస్తూ వీడియోలు చేసి నెట్టింట్లో పెడుతున్నారు. స్టార్ సెలబ్రెటీల నుంచి చిన్న వారి వరకు అందరూ హోమ్ టూర్లు చేస్తున్నారు. హోమ్ టూర్ల వీడియోలు చూసి కొందరు కేటుగాళ్లు దొంగతనాలకు పాల్పడ్డ ఘటనలు కూడా ఎన్నో ఉన్నాయి. ఇటీవల ఓ నటుడు హోమ్ టూర్ వీడియో చేయగా.. అదే అతన్ని చిక్కుల్లో పడేసింది.

చెన్నైలో నివాసం ఉంటున్న రోబో శంకర్ ఇటీవల హోం టూర్ పేరుతో ఓ వీడియో తీసి యూట్యూబ్‌లో పోస్టు చేశాడు. ఇళ్లంతా తిప్పి చూపిస్తూ.. తాను పెంచుకుంటున్న జంతువులు, పక్షులను కూడా వీడియోలో చూపించాడు. పారాకీట్ అనే రెండు చిలుకలను తాను పెంచుకున్నట్లు వీడియోలు పేర్కొన్నాడు.

ఆ వీడియో కాస్త అటవీశాఖ అధికారుల కంట్లో పడడంతో రోబో శంకర్‌కు షాక్ ఇచ్చారు. అనుమతి లేకుండా చిలుకలను పెంచుకుంటున్నందుకు గానూ అతడికి రూ. 2.5 లక్షల జరిమానా విధించారు. అలాగే రెండు చిలుకలను స్వాధీనం చేసుకొని గిండిలోని పార్కులో అప్పగించారు.

ఇక రోబోశంకర్ అటవీశాఖ అధికారుల ఎదుట హాజరై వివరణ ఇచ్చారు. తన భార్య స్నేహితురాలు మూడేళ్ల క్రితం చిలుకలను ఇచ్చినట్లు వెల్లడించారు. వాటిని పెంచుకోవడానికి అనుమతి తీసుకోవాలనే విషయం తనకు తెలియదని చెప్పారు. అలాగే అధికారులు విధించిన రూ. 2.5 లక్షల జరిమానాను చెల్లించనున్నట్లు తెలిపారు.

Share

• 
• 
• 
• 
• 
•