Love Me: దిల్ రాజు నట వారసుడు ఆశిష్ .. రౌడీ బాయ్స్ సినిమాతో టాలీవుడ్ ఎంట్రీ ఇచ్చాడు. ఈ సినిమా మంచి విజయాన్నే అందుకుంది. ఈ సినిమా తరువాత కొంత గ్యాప్ తీసుకొని సెల్ఫిష్ అనే సినిమాను ప్రకటించాడు. కానీ, ఈ సినిమా అనుకోని రీతిలో ఆగిపోయింది. ఈ మధ్యలోనే ఆశిష్ పెళ్లి పీటలు కూడా ఎక్కి కొత్త జీవితాన్ని మొదలుపెట్టాడు. ఇక కొత్త జీవితం మొదలయ్యాక తన రెండో సినిమాను ప్రకటించాడు.. అదే లవ్ మీ.. ఇఫ్ యూ డేర్.
అరుణ్ భీమవరపు దర్శకత్వంలో తెరకెక్కుతున్న ఈ చిత్రాన్ని దిల్ రాజు ప్రొడక్షన్స్ బ్యానర్ పై హర్షిత్ రెడ్డి, హన్షిత, నాగ మల్లిడి నిర్మిస్తున్నారు. ఈ చిత్రంలో ఆశిష్ సరసన వైష్ణవి చైతన్య నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా నుంచి మొదటి సాంగ్ ను మేకర్స్ రిలీజ్ చేశారు. ఆటగదరా శివా.. నీ మాయ అంటూ సాగిన ఈ సాంగ్ ఎంతో అద్భుతంగా ఉంది. ఆస్కార్ అవార్డు విన్నర్ చంద్రబోస్ రాసిన లిరిక్స్ కు .. కీరవాణి అందించిన సంగీతం నెక్స్ట్ లెవెల్.
ఇక ఈ సాంగ్ ను తన మెస్మరైజ్ వాయిస్ తో మనీషా మరింత హైప్ పెంచేసింది. చావు బతుకులను శివుడు ఎప్పుడో నిర్ణయించేశాడు.. ఈ మధ్యలో ఉన్న జీవితంలో ప్రతి మనిషి దేనికోసమో వెతుకుతున్నాడు అని జీవిత సత్యాన్ని లిరిక్స్ లో చెప్పాడు చంద్రబోస్. దెయ్యానికి, మనిషికి మధ్య ప్రేమకథగా ఈ సినిమా తెరకెక్కుతుంది. ప్రస్తుతం ఈ సాంగ్ నెట్టింట వైరల్ గా మారింది. మరి ఈ సినిమాతో ఆశిష్ ఎలాంటి విజయాన్ని అందుకుంటుందో చూడాలి.