A R Rahman:ఆస్కార్ విన్నింగ్ మ్యూజిక్ డైరెక్టర్ ఎ.ఆర్.రెహమాన్కి సంబంధించిన చెన్నై స్టూడియోలో టెక్నీషియన్ కన్నుమూశారు. ఈ విషయంపై అధికారిక ప్రకటన లేపోయినప్పటికీ తమిళ వెబ్ సైట్స్ మాత్రం ఈ న్యూస్ని క్యారీ చేసింది. అసలేం జరిగింది. ఎ.ఆర్.రెహమాన్ స్టూడియోలో టెక్నీషియన్ ఎందుకు చనిపోయారు అనే వివరాల్లోకి వెళితే.. చెన్నైలో ఎ.ఆర్.రెహమాన్కి సంబంధించి పంచతాన్ అనే రికార్డింగ్ స్టూడియో ఉంది. రీసెంట్గానే ఈ స్టూడియోలో ఓ కార్యక్రమం జరిగింది. దీని కోసం.. ఏర్పాటు చేస్తుండగా కరెంట్ షాక్ తగిలి లైట్ మెన్ కన్నుమూసినట్లు వార్తలు తమిళ నెట్టింట వైరల్ అయ్యాయి.
రెహమన్ తన ఇంటిలోనే రికార్డింగ్ స్టూడియోను ఏర్పాటు చేసుకున్నారు. పంచతాన్ పేరుతో ఏర్పాటు చేసుకున్న ఈ స్టూడియోలో ఆస్కార్ విన్నర్ స్పెషల్ ప్రోగ్రామ్స్, లైవ్ షోస్, మ్యూజిక్ కన్స్టర్ట్స్ నిర్వహిస్తుంటారు. గత ఏడాది కోబ్రా, ముత్తు, పొన్నియిన్ సెల్వన్ చిత్రాలకు సంగీతాన్ని అందించిన ఎ.ఆర్.రెహమాన్ ప్రస్తుతం పొన్నియిన్ సెల్వన్ పార్ట్ 2కు మ్యూజిక్ను అందిస్తున్నారు. ఈ చిత్రం ఏప్రిల్ 28న రిలీజ్ కానుంది.