18 Pages Successmeet:పక్కన అనుపమ ఉంటే అల్లు అరవింద్ అయినా సింపుల్గా నాలుగు స్టెప్పులు వేయాల్సిందే. లెక్కల మాస్టర్ సుకుమార్ అయినా లెక్క తప్పకుండా నాలుగు స్టెప్పులు వేసేయాల్సిందే. నూడుల్స్ జుట్టున్న మల్లుభామా? మజాకా? ఇప్పుడు నెట్టింట్లో ఈ వీడియో వైరల్ అవుతోంది. అసలు విషయంలోకి వెళ్తే…. నిఖిల్, అనుపమ పరమేశ్వరన్ జంటగా నటించిన 18 పేజెస్ ఫ్రైడే విడుదలైంది. ఈ సినిమాలో నిఖిల్, అనుపమ లవ్ సబ్జెక్ట్ కి ఫిదా అవుతున్నారు జనాలు. ఈ సక్సెస్ సెలబ్రేషన్స్ ని నిర్వహించాయి గీతా ఆర్ట్స్ 2, సుకుమార్ రైటింగ్స్ సంస్థలు. ఈ కార్యక్రమంలో హీరో నిఖిల్, హీరోయిన్ అనుపమ పరమేశ్వరన్తో పాటు చిత్ర సమర్పకుడు అల్లు అరవింద్, సుకుమార్ కూడా పాల్గొన్నారు. సక్సెస్ పార్టీలో అనుపమ పరమేశ్వరన్తో కలిసి స్టెప్పులేశారు అల్లు అరవింద్. ఆయనకు అనుపమ స్టెప్పులు నేర్పించే సీన్ని వీడియో తీసి పోస్ట్ చేశారు నిఖిల్.
అల్లు అరవింద్తో పాటు సుకుమార్కి కూడా స్టెప్పులు వేయడం నేర్పించారు అనుపమ పరమేశ్వరన్. వీరందరితో కలిసి తర్వాత తాను కూడా స్టెప్పులేశారు నిఖిల్. సక్సెస్ పార్టీ అంటే ఆ మాత్రం జోష్ ఉండాల్సిందే అంటూ హ్యాపీగా కామెంట్స్ చేస్తున్నారు నెటిజన్స్. అనుపమ లాంటి కూతురు తనకు ఉంటే బావుండేదనని చాలా సార్లు అనిపించిందని ఆల్రెడీ చెప్పారు అల్లు అరవింద్. రంగస్థలం సినిమాలో రామలక్ష్మి కేరక్టర్కి ఫస్ట్ ఆప్షన్ అనుపమ పరమేశ్వరన్ అనీ, కాకపోతే ఆమె ఆడిషన్స్ సమయంలో అస్తమానూ వాళ్ల అమ్మను చూస్తుండటంతో, కాన్ఫిడెన్స్ లెవల్స్ తక్కువగా ఉన్నాయనిపించి ఆమెను తీసుకోలేదని సుకుమార్ చెప్పారు. ఇప్పుడు వారిద్దరితో సినిమా చేయడం ఆనందంగా ఉందని అన్నారు అనుపమ పరమేశ్వరన్.