Sun Transit in Aquarius 2024: సూర్యభగవానుడు ఫిబ్రవరి 13న సాయంత్రం 3 గంటల 54 నిమిషాలకు కుంభరాశిలోకి ప్రవేశించబోతున్నాడు. మార్చి 14 వరకూ సూర్య భగవానుడు ఈ రాశిలో ఉంటాడు. ప్రస్తుతం.. కుంభరాశిలో సూర్యుని ప్రవేశం చాలా ముఖ్యమైనది. ఎందుకంటే శని మహారాజు కూడా ఈ రాశిలోనే కొంతకాలం ఉన్నాడు. సహజంగానే ఈ ఇద్దరి మధ్య సంబంధాలు బాలేవు. ఇలాంటి పరిస్థితుల్లో.. సూర్యుడు కుంభరాశిలోకి ప్రవేశించిన తర్వాత.. ద్వాదశ రాశుల్లో జన్మించిన వారికి ఎలాంటి శుభ, అశుభ ఫలితాలు ఇస్తాయో తెలుసుకుందాం.
మేషం: లాభం పొందడానికి మీరు కష్టమైన పనులు చేయవలసి ఉంటుంది. వ్యాపార వర్గం, చట్టవ్యతిరేక కార్యకలాపాలకు దూరంగా ఉండాలి. ఫిబ్రవరి చివరిలో, మార్చి ప్రారంభంలో మీ సోదరుడు ఆరోగ్య సంబంధిత సమస్యలను ఎదుర్కోవచ్చు.
వృషభం: మంచి ఫలితాలు పొందడానికి.. శ్రమను రోజులో భాగంగా చేర్చుకోవాలి. మీ కోపాన్ని నియంత్రించుకోవాలి. ఆరోగ్యంగా ఉండేందుకు మార్నింగ్ వాక్, యోగా మరియు జిమ్లకు కూడా వెళ్లండి.
Read More : శని అనుగ్రహం.. 24 గంటల తర్వాత ఈ రాశుల వారికి డబ్బే డబ్బు..
మిథునం: మీరు ఇంతకు ముందు చేసిన కష్టానికి ఫలితం దక్కుతుంది. మీకు గౌరవం కూడా వస్తుంది. తండ్రి వైపు నుండి ఒత్తిడికి అవకాశం ఉంది. మీరు దానిని నివారించాలి.
కర్కాటకం: దీర్ఘకాలిక పెట్టుబడులు పెట్టడంలో తొందర పడకండి. నెలాఖరులో.. మీకు వృత్తిపరంగా నిరాశ ఎదురయ్యే అవకాశాలు ఉన్నాయి. ముతక ధాన్యాలు తీసుకోవడం వల్ల పొట్ట సంబంధిత సమస్యల నుంచి దూరంగా ఉంటారు.
సింహం: ఆఫీసు అయినా, ఇల్లు అయినా, ఎవరితోనైనా ఈగో సంబంధిత గొడవల్లో తలదూర్చకండి. ఇవి మిమ్మల్ని మీ సన్నిహితుల నుంచి దూరం చేస్తాయి. మీ వ్యాపార భాగస్వామితో విభేదాలు వచ్చే అవకాశం ఉంది. కిడ్నీల్లో రాళ్లు తదితర సమస్యలతో బాధపడేవారు అప్రమత్తంగా ఉండాలి.
Read More : వాలెంటైన్ స్పెషల్.. ఈ రాశులవారు చాలా రోమాంటిక్ గురూ!
కన్యారాశి : కష్టపడి పని చేసే వారికి కచ్చితంగా మంచి ఫలితాలు వస్తాయి. ప్రయాణాలు, అప్పులు తీర్చడానికి సమయం అనుకూలంగా ఉంటుంది. మిమ్మల్ని మీరు మానసికంగా తేలికగా ఉంచుకోండి.
తులా రాశి : పెద్ద బాధ్యతలు తీసుకోకుండా చిన్న చిన్న బాధ్యతలు చేపడితే వాటిని చక్కగా పూర్తి చేయగలుగుతారు. విద్యార్థులు చదువుకు సంబంధించిన విషయాల్లో అజాగ్రత్తకు దూరంగా ఉండాలి.
వృశ్చికం: మీ ఆత్మీయుల బాధ్యతలు స్వీకరించే సమయం ఇది. మీ మనస్సులో ఎవరి పట్లా శత్రుత్వం ఉంచుకోకండి. జీవనోపాధి విషయంలో ఎవరి దగ్గరా చెడును తీసుకోకపోవడం మంచిది. అందరితో మామూలుగా ప్రవర్తించడమే తెలివైన పని.
మకరం : మీ మాటలు ఎదుటివారిని నొప్పించేలా ఉంటాయి. కాబట్టి మాట్లాడేటపుడు ఆచితూచి వ్యవహరించాలి. రెండు గ్రహాల కలయిక వల్ల ఈ పరిస్థితి కనిపిస్తుంది. ఆస్తమా రోగులకు అజాగ్రత్త తగదు. క్రమం తప్పకుండా వ్యాయామం చేయాలి.
కుంభం: సామాజిక గౌరవం పొందడానికి.. మిమ్మల్ని మీరు ప్రశాంతంగా ఉంచుకోవాలి. ఈ సమయంలో.. మీ కష్టం మాత్రమే మంచి ఫలితాలను తెస్తుంది. తండ్రి, జీవిత భాగస్వామితో విభేదాలు వచ్చే అవకాశం ఉంది. బీపీ పేషెంట్లు జాగ్రత్తగా ఉండాలి.
మీనం: పాత అప్పులను తీర్చడానికి మీరు శ్రద్ధ వహించవలసి ఉంటుంది. లేకపోతే అవతలి వ్యక్తి చట్టపరమైన చర్యలు తీసుకోవచ్చు. మీ ప్రయాణాన్ని తెలివిగా ప్లాన్ చేసుకోండి. నియమాలను రూపొందించడానికి సమయం చాలా అనుకూలంగా ఉంటుంది. ఆగిపోయిన పనులను పునఃప్రారంభించవచ్చు.
సూచన: ఇక్కడ ఇచ్చిన సమాచారం సామాజిక, మత విశ్వాసాలపై ఆధారపడి ఉంటుంది. bigtvlive.com దీన్ని ధృవీకరించలేదు. దీని కోసం నిపుణుల సలహా తీసుకోండి.