Devshayani Ekadashi 2024 : హిందూ సంప్రదాయంలో ఏకాదశికి చాలా ప్రాముఖ్యత ఉంది. ముక్కోటి ఏకాదశ, వైష్ణవ ఏకాదశికి మరింత ప్రాధాన్యమిస్తారు. ఏకాదశి రోజున ప్రత్యేకంగా ఆ శ్రీమహావిష్ణువుని పూజిస్తారు. ఆ రోజున ఆయన్ను ఆరాధించిన భక్తులకు కోరిన కోరికలు తీరుతాయని నమ్మిక. భక్తుల నమ్మకాల ప్రకారం.. విష్ణువు దేవశయని ఏకాదశి నుంచి నాలుగు నెలలపాటు క్షీరసాగర్ లో నిదురిస్తాడు. ఈ కాలాన్ని చాతుర్మాసం అంటారు.

జ్యేష్ఠ మాసం తర్వాత.. ఆషాఢ మాసం మొదలవుతుంది. ఆషాఢ శుక్లపక్షంలోని ఏకాదశి తిథిని దేవశయని ఏకాదశిగా పరిగణిస్తారు. దేవశయని ఏకాదశి రోజున నిద్రలోకి వెళ్లే శ్రీ మహా విష్ణువు.. తిరిగి కార్తీకమాసం శుక్లపక్షంలోని ఏకాదశి తిథిరోజున నిద్ర నుంచి లేస్తారు. ఈ తిథిని దేవుతాని ఏకాదశిగా పిలుస్తారు.

శ్రీమహావిష్ణువు నిద్రలో ఉండే ఈ నాలుగు మాసాలు.. వైదిక జ్యోతిష్య శాస్త్రం ప్రకారం.. ఎలాంటి శుభకార్యాలు చేయరు. ఈ నాలుగు నెలల కాలంలో సృష్టి అంతా దేవతల దేవుడైన మహాదేవునిచే పరిపాలించబడుతుంది. కొన్ని ప్రాంతాల్లో ఊరి పొలిమేర దాటకూడదన్న ఆచారాలను కూడా పాటిస్తారు. అందుకు వాతావరణం కూడా ఒక కారణం. ఈ సమయంలో వర్షాలు కురిసి.. నదులు, వాగులు, వంకలు నిండుగా ప్రవహిస్తుంటాయి. అంటువ్యాధులు వచ్చే అవకాశాలెక్కువ. అందుకే ఊరి పొలిమేర దాటకూడదన్న నియమం పెట్టుకుంటారు.

దేవశయని ఏకాదశి ఎప్పుడు ?

ఈ ఏడాది జూలై 16వ తేదీ రాత్రి 8.33 గంటలకు దేవశయని ఏకాదశి ప్రారంభమై జూలై 17వ తేదీ రాత్రి 9.02 గంటలకు ముగుస్తుంది. హిందూధర్మం ప్రకారం.. సూర్యోదయానికి ఉన్న తిథిని లెక్కలోకి తీసుకుంటారు కాబట్టి జూలై 17న దేవశయని ఏకాదశిని ఆచరిస్తారు. వేద జ్యోతిషశాస్త్రం ప్రకారం.. జూలై 17న ఉపవాసం ఉన్నవారు మరుసటి రోజు అంటే జూలై 18న ఉదయం 5.35 నుండి 8.20 గంటల మధ్య పారణ చేయవచ్చు. దేవశయని ఏకాదశి నాడు, పారణ నాడు అవసరమైన వారికి దానం చేయాలి. ఆహారం కూడా తినాలి. ఆ తర్వాత ఉపవాసాన్ని విరమిస్తే రెట్టింపు ఫలితాలు పొందవచ్చు.

Also Read : 12 సంవత్సరాల తర్వాత మోహిని ఏకాదశి.. 5 రాశుల వారికి అకస్మాత్తుగా బంపర్ ఆఫర్

దేవశయని ఏకాదశి శుభ యోగం

దేవశయని ఏకాదశి రోజున అనేక శుభ యోగాలు ఏర్పడుతున్నాయి. ఉదయం 7.05 గంటలకు తొలి శుభ యోగం ఏర్పడనుంది. జూలై 17న ఉదయం 7:05 గంటల తర్వాత శుక్ల యోగం ఏర్పడుతుంది. శుక్ల యోగం మరుసటి రోజు అంటే జూలై 18వ తేదీ ఉదయం 6.13 గంటలకు ముగుస్తుంది.

జ్యోతిష్య శాస్త్రం ప్రకారం దేవశయని ఏకాదశి రోజున సర్వార్థ సిద్ధి యోగం, అమృత సిద్ధి యోగం ఏర్పడతాయి. సర్వార్థ సిద్ధి యోగం, అమృత సిద్ధి యోగం జూలై 17న ఉదయం 5:34 గంటలకు ఏర్పడి మరుసటి రోజు అంటే జూలై 18వ తేదీ తెల్లవారుజామున 3:13 గంటలకు బ్రహ్మ బేలగా ముగుస్తుంది.

దేవశయని ఏకాదశి ప్రాముఖ్యత

దేవశయని ఏకాదశి రోజున.. లోక రక్షకుడైన హరి, విష్ణువు మరియు సంపదల దేవత అయిన లక్ష్మీ దేవిని ఆచారాలతో పూజిస్తారు. దేవశయని ఏకాదశి రోజున హృదయపూర్వకంగా పూజించిన వారి కోరికలన్నీ నెరవేరుతాయని నమ్ముతారు. దీనితో పాటు శ్రీమహావిష్ణువు, లక్ష్మి తల్లి ఆశీస్సులు కూడా లభిస్తాయి. దేవశయని ఏకాదశి రోజున దానధర్మాలు చేయడం చాలా శుభప్రదంగా పరిగణించబడుతుంది. దానధర్మాలు చేయడం వల్ల ఇంట్లో సంపదకు లోటు ఉండదు.

దేవశయని ఏకాదశి రోజున ఏమి చేయాలి?

దేవశయని ఏకాదశి రోజున.. తులసి ఆకుల మాలను తయారు చేసి, దానిని విష్ణువుకి సమర్పించండి. దేవశయని ఏకాదశి మరుసటి రోజు ఆ తులసి మాలను ప్రధాన ద్వారం మీద వేలాడదీయండి. ఇలా చేయడం వల్ల ఇంట్లో ఉన్న అన్ని రకాల వాస్తు దోషాల నుండి ఉపశమనం పొందుతారని నమ్ముతారు. ఇది ఇంటికి ఆదాయ వనరుగా కూడా మారుతుంది.

దేవశయని ఏకాదశి రోజున ఏమి చేయకూడదు ?

దేవశయని ఏకాదశి రోజున జూదానికి దూరంగా ఉండాలి. ఏకాదశి నాడు జూదం ఆడే వ్యక్తి, అతని కుటుంబం నాశనం అవుతుంది. ఎందుకంటే జూదం ఆడే ప్రదేశంలో అధర్మ రాజు ఉంటాడు. మత విశ్వాసాల ప్రకారం రాత్రిపూట నిద్రపోకూడదు. ఏకాదశి రోజున రాత్రంతా జాగారం చేసి విష్ణుమూర్తిని పూజించాలని నమ్మకం. ఇలా చేయడం వల్ల శ్రీమహావిష్ణువు, లక్ష్మిదేవి అనుగ్రహం లభిస్తుంది.

(Disclaimer : ఇక్కడ ఇవ్వబడిన సమాచారం ఇంటర్నెట్ ద్వారా సేకరించబడినది. సాధారణ నమ్మకాలు మరియు సమాచారంపై ఆధారపడి ఉంటుంది. bigtvlive.com దీన్ని ధృవీకరించడం లేదు.)

Share

• 
• 
• 
• 
• 
•