Hindu Temples : మన సంప్రదాయంలో దేవాలయం సకల దేవతల నిలయం. ఆలయం లేని ఊరిలో అరక్షణం నిలవొద్దనేది పెద్దల మాట.
ఆలయ గోపురం, ధ్వజస్తంభం, బలిపీఠం, గర్భాలయం, పరివార దేవతల వరకు అన్నింటికీ ప్రత్యేక ప్రాథాన్యం ఉంది.
విశ్వమంతా నిండిన ఈశ్వరుని ఉనికిని పలు రూపాల్లో ఆలయాల్లో నిలిపి, రోజూ పూజించే స్థానమే ఆలయం.
దేవాలయం కేవలం ఆరాధనా స్థానమే కాదు. అది విద్యను పంచే స్థానం కూడా.
గతంలో ప్రతి ఆలయానికి అనుబంధంగా వేదపాఠశాలుండేవి. నేడు అవి కేవలం పెద్ద పెద్ద ఆలయాలకే పరిమితమయ్యాయి.
అంతేకాదురోజూ దైవానికి నివేదించే ప్రసాదాలను భక్తులకు, అన్నార్తులకు పంచటం ద్వారా ఆలయాలు అభాగ్యుల ఆకలిని తీర్చే కేంద్రాలుగా నిలుస్తున్నాయి.
ఇక.. ఆలయాల్లో నిర్వహించే కథా కాలక్షేపాలు, వ్రతాలు, వేడుకల కారణంగా అదొక గొప్ప సాంస్కృతిక కేంద్రంగానూ నిలుస్తోంది.
ఆలయాల వద్ద సత్రాలు.. బాటసారులకు వసతిగా, ప్రకృతి విలయాల సమయంలో రక్షణ స్థావరాలుగా, ఆలయ నిర్వహణలో పాలు పంచుకునే పలువర్గాల వారికి ఉపాధినిచ్చే కేంద్రాలుగా ఉన్నాయి.

Share

• 
• 
• 
• 
• 
•