Samsaptak yoga 2024: జ్యోతిష్యశాస్త్రం ప్రకారం, గ్రహాల గమనంలో వచ్చే మార్పుల వల్ల అనేక రకాల యోగాలు ఏర్పడతాయి. రెండు లేదా అంతకంటే ఎక్కువ గ్రహాలు ఒకదానితో ఒకటి ఒకదానితో ఒకటి సంబంధాన్ని ఏర్పరచుకున్నప్పుడు, శుభ , అశుభ యోగాలు ఏర్పడతాయి. ఈ యోగాల ప్రభావం మొత్తం 12 రాశుల వారిపై ప్రభావం పడుతుంది. బృహస్పతి, శుక్రుడు కలిసి సమసప్తక రాజయోగాన్ని సృష్టించబోతున్నారు.
సంపద, శ్రేయస్సు, విద్య , ఆకర్షణలకు కారణమైన గ్రహాలైన శుక్రుడు, బృహస్పతి గ్రహాలు సమసప్తక రాజ యోగాన్ని ఏర్పరచనున్నారు.
బృహస్పతి ప్రస్తుతం వృషభరాశిలో సంచరిస్తున్నాడు. నవంబర్ 7 వరకు ఈ రాశిలో ఉండే శుక్రుడు వృశ్చికరాశిలోకి ప్రవేశిస్తాడు. గురు, శుక్ర గ్రహాలు ఒకదానికొకటి ఏడు గృహాల దూరంలో ఉన్నప్పుడు, సంసప్తక రాజయోగం ఏర్పడుతుంది. అటువంటి పరిస్థితిలో, బృహస్పతి, శుక్రుడి వల్ల ఏర్పడిన సంసప్తక రాజయోగం అనేక రాశుల వారికి అదృష్టమని కలిగిస్తు్ంది. ఈ సంసప్తక రాజ్యయోగం వల్ల ఏ రాశుల వారు ప్రయోజనం పొందుతారో ఇప్పుడు తెలుసుకుందాం.
వృషభ రాశి:
జ్యోతిష్య శాస్త్రం ప్రకారం వృషభ రాశి వారి సప్తమంలో సంసప్తక రాజయోగం ఏర్పడుతుంది.ఈ సమయంలో గురు , శుక్ర గ్రహాల వల్ల మీరు అనేక ప్రయోజనాలు పొందుతారు. మీ పురోగతికి అవకాశాలు పెరుగుతాయి. ఉద్యోగస్తులకు కొత్త ఉద్యోగాలు లభించే అవకాశాలు ఉన్నాయి. ఈ సమయంలో మీ అన్ని రకాల కోరికలు నెరవేరతాయి. పెద్దల ఆశీస్సులు జీవితంలో చెక్కుచెదరకుండా ఉంటాయి. ఆకస్మిక ధనలాభానికి అవకాశాలు కూడా పెరుగుతాయి. వైవాహిక జీవితం కూడా బాగుంటుంది.
ధనస్సు రాశి:
గురు, శుక్రుడి కారణంగా ఏర్పడే సంసప్తక రాజయోగం ధనస్సు రాశి వారికి గణనీయమైన పురోగతిని అందిస్తుంది. అంతే కాకుండా ఈ సమయంలో వ్యాపారంలో లాభాలు పెరుగుతాయి. ఆర్థిక పురోగతి వేగవంతమవుతుంది. ఉద్యోగావకాశాలు కూడా పెరుగుతాయి. వ్యాపారస్తులు మంచి లాభాలను ఆర్జిస్తారు. ఆకస్మిక ఆర్థిక లాభం వచ్చే అవకాశాలు ఉన్నాయి. కుటుంబ సభ్యుల మధ్య సంబంధం పెరుగుతుంది. వైవాహిక జీవితం చాలా బాగుంటుంది. అంతే కాకుండా కుటుంబ సభ్యుతో మీరు మత పరమైన కార్యక్రమాల్లో పాల్గొంటారు.
Also Read: 119 రోజుల పాటు బృహస్పతి తిరోగమనం.. 12 రాశులపై ప్రభావం
వృశ్చిక రాశి:
ఈ రాశి వారికి సంసప్తక రాజయోగం వల్ల చాలా మేలు జరుగుతుంది. ఉద్యోగ, వృత్తిలో పురోగతి సాధించే అవకాశాలు ఉన్నాయి. ఈ సమయంలో మీరు ప్రభావవంతమైన వ్యక్తులను కలుస్తారు. మీరు మీ ఆఫీసుల్లో ఆధిపత్యం చెలాయిస్తారు. మీ జీవితంలో బృహస్పతి, శుక్రుల దృష్టి కారణంగా, కొన్ని కొత్త ప్రణాళికలు ప్రయోజనకరంగా మారతాయి. కొత్త ఆదాయ వనరులు కూడా లభిస్తాయి. సమాజంలో మీ గౌరవం పెరగుతుంది. మీ అనారోగ్య సమస్యలు దూరం అవుతాయి. కుటుంబ సభ్యుల నుంచి మీకు పూర్తి మద్దతు ఉంటుంది. ఆఫీసుల్లో ఉన్నతాధికారుల నుంచి ప్రశంసలు అందుకుంటారు. చాలా కాలంగా పెండింగ్ లో ఉన్న మీ పనులు విజయవంతం అవుతాయి.
(గమనిక : ఇక్కడ ఇచ్చిన సమాచారం ఇంటర్నెట్ నుంచి సేకరించినది. bigtvlive.com దీనిని ధృవీకరించదు.)