Two Wheeler Sale April 2024: ఏప్రిల్ 2024లో భారతదేశంలో పెద్ద సంఖ్యలో విక్రయించబడిన టాప్-10 ద్విచక్ర వాహనాల వివరాలు విడుదల చేయబడ్డాయి. విక్రయాల నివేదికలో ఎప్పటిలాగే.. Hero Splendor ఏప్రిల్ 2024లో కూడా అత్యధికంగా అమ్ముడైన ద్విచక్ర వాహనంగా నిలిచింది. ఏప్రిల్ 2024లో Hero Splendor బైక్ 3 లక్షల 20,959 యూనిట్లు అమ్ముడయ్యాయి. గత ఏడాది ఇదే కాలంలో ఇది 2 లక్షల 65,225 యూనిట్లు సేల్ జరిగింది. అందుకే గతేడాది ఏప్రిల్‌తో పోలిస్తే ఈ ఏడాది ఏప్రిల్‌లో స్ప్లెండర్ బైక్‌ల విక్రయాలు 21.01 శాతం పెరిగాయి.

ఈ జాబితాలో Honda Activa స్కూటర్ రెండో స్థానంలో ఉంది. ఏప్రిల్ నెలలో మొత్తం 2,60,300 యూనిట్ల యాక్టివా స్కూటర్లు అమ్ముడయ్యాయి. ఏప్రిల్ 2023లో కేవలం 2,46,016 Honda Activa స్కూటర్లు మాత్రమే అమ్ముడయ్యాయి. దీంతోపాటు Bajaj Pulsar మూడో స్థానంలో నిలిచింది. భారతదేశంలో 125సీసీ నుంచి 250సీసీ వరకు పల్సర్ బైక్‌లను విక్రయిస్తున్నారు. గత నెలలో మొత్తం 1,44,809 Pulsar bikes అమ్ముడయ్యాయి. ఏప్రిల్ 2023లో 1,15,371 పల్సర్ బైక్‌లు మాత్రమే అమ్ముడయ్యాయి.

కాగా ఈ జాబితాలో హోండా Honda Shine నాలుగో స్థానంలో ఉంది. 2023 ఏప్రిల్‌లో 89,261 యూనిట్ల షైన్ బైక్‌లు మాత్రమే విక్రయించగా.. 2024 ఏప్రిల్‌లో 1,42,751 యూనిట్ల షైన్ బైక్‌లు అమ్ముడయ్యాయి. అందువల్ల గతేడాదితో పోలిస్తే ఈ ఏడాది దాదాపు 53,490 షైన్ బైక్‌లు ఎక్కువగా అమ్ముడయ్యాయి. ఈ లైనప్‌లో Hero Hf Deluxe 5వ స్థానంలో ఉంది. గత నెలలో హీరోకి సంబంధించిన ఈ సరసమైన బైక్ మొత్తం 97,048 యూనిట్లు అమ్ముడయ్యాయి. గత ఏప్రిల్ 2023లో 78,700 హెచ్‌ఎఫ్ డీలక్స్ బైక్‌లు మాత్రమే విక్రయించబడ్డాయి.

Also Read: ఎలక్ట్రిక్ స్కూటర్ కొంటున్నారా.. ఆ స్కూటర్లపై భారీ డిస్కౌంట్.. ఇప్పుడు రూ.59,900లకే!

ఈ జాబితాలో TVS Jupiter and Suzukiయాక్సెస్ స్కూటర్లు వరుసగా ఆరు, ఏడవ స్థానాల్లో ఉన్నాయి. ఈ ఏడాది ఏప్రిల్‌లో ఈ రెండు స్కూటర్లలో వరుసగా 77,086, 61,960 యూనిట్లు అమ్ముడయ్యాయి. అయితే గతేడాది ఏప్రిల్‌లో ఈ రెండింటిలో వరుసగా 59,583, 52,231 యూనిట్లు మాత్రమే అమ్ముడయ్యాయి.

ఎనిమిదో స్థానంలో TVS Raider ఉంది. ఇది ప్రస్తుతం భారతదేశంలో అత్యంత వేగంగా ప్రజాదరణ పొందుతోంది. 125సీసీ బైక్ సెగ్మెంట్‌లో వచ్చిన ఈ బైక్ మైలేజీ, స్టైల్ రెండింటినీ చూసే వారికి TVS రైడర్ మొదటి ఎంపికగా మారుతోంది. గత నెలలో ఈ బైక్ మొత్తం 51,098 యూనిట్లు విక్రయించబడ్డాయి. అయితే ఏప్రిల్ 2023లో కేవలం 31,491 TVS రైడర్ బైక్‌లు మాత్రమే విక్రయించబడ్డాయి. ఈ టాప్-10 జాబితాలో TVS Apache 45,520 యూనిట్ల విక్రయాలతో 9, 10వ స్థానాల్లో.. Bajaj Platina 44,054 యూనిట్ల వద్ద ఉన్నాయి.

Share

• 
• 
• 
• 
• 
•