Discounts On Tata Electric Cars: ప్రముఖ వాహనాల తయారీ కంపెనీ టాటా మోటార్స్ ఆటో మొబైల్ మార్కెట్‌లో అత్యధిక సేల్స్‌తో దూసుకుపోతూ నెంబర్ వన్‌గా కొనసాగుతుంది. ఇతర బ్రాండ్‌లకు గట్టి పోటీనిస్తూ మరింత ముందుకు సాగుతుంది. ఈ కంపెనీ 1991 నుంచి ఇప్పటి వరకు అంటే దాదాపు 33 ఏళ్లలో దేశ వ్యాప్తంగా 20 లక్షల ఎస్‌యూవీలను సేల్స్ చేసింది. దీంతో ఈ మైలురాయిని చేరుకోవడంతో టాటా మోటార్స్ కీలక నిర్ణయం తీసుకుంది. ఇందులో భాగంగానే తన ఎస్యూవీలపై భారీ డిస్కౌంట్లను ప్రకటించింది.
తాజాగా సఫారీ, హారియర్, నెక్సాన్, పంచ్ వంటి నంబర్ వన్ ఎస్యూవీలపై మోడల్‌ బట్టి దాదాపు రూ.1.4 లక్షల వరకు భారీ డిస్కౌంట్‌ను అందిస్తున్నట్లు తెలిపింది. అయితే ఇప్పుడు టాటా ఎలక్ట్రిక్ కార్లపై కూడా డిస్కౌంట్ ఆఫర్లను అందిస్తున్నట్లు తెలిపింది. అందులో టాటా పంచ్ ఈవీ, నెక్సాన్ ఈవీతో పాటు టియాగో ఈవీపై కూడా ఈ డిస్కౌంట్ ఆఫర్లను అందిస్తున్నట్లు కంపెనీ వెల్లడించింది. అయితే ఇప్పుడు ఈ ఎలక్ట్రిక్ కార్లపై డిస్కౌంట్ ఆఫర్లు పెంచడంలో కూడా ఓ ఉద్దేశం ఉంది.
గత నెల అంటే జూన్‌లో దేశీయ మార్కెట్‌లో టాటా మోటార్స్ కంపెనీకి చెందిన ఎలక్ట్రిక్ కార్ల అమ్మకాలు చాలా వరకు క్షీణించాయి. జూన్ నెలలో ఈవీ విభాగంలో సేల్స్ బాగా పడిపోయాయి. దాదాపు 14 శాతం తగ్గుముఖం పట్టాయి. మొదటి ఆరు నెలల్లో చూసుకుంటే ఇప్పటి వరకు 8.39 లక్షలకు పైగా ఈవీలు సేల్ అయ్యాయి. ఈ నేపథ్యంలో టాటా కంపెనీ కీలక నిర్ణయం తీసుకుంది. ఇందులో భాగంగానే తమ ఎలక్ట్రాక్ కార్ల సేల్స్ పెంచేందుకు ఈ డిస్కౌంట్ ఆఫర్లను అందుబాటులోకి తీసుకొచ్చింది. ఈ డిస్కౌంట్ ఆఫర్లు తమ కార్ల సేల్స్ మరింత పెంచేందుకు దోహదపడతాయని కంపెనీ భావిస్తుంది. అయితే ఇందులో నెక్సాన్ ఎలక్ట్రాక్ కార్‌పై ఇంతకు ముందెన్నడూ లేనంతగా డిస్కౌంట్లను అందిస్తున్నట్లు టాటా మోటార్స్ పేర్కొంది.
Also Read: కారుపై ఆఫర్ల జాతర.. ఏకంగా రూ.లక్ష డిస్కౌంట్!
ఇదిలా ఉంటే టాటా పంచ్ ఎలక్ట్రిక్ వెహికల్‌పై దాదాపు రూ.30,000 డిస్కౌంట్ అందిస్తున్నట్లు ప్రకటించింది. కాగా ఈ టాటా పంచ్ ఈవీ ఈ ఏడాది ప్రారంభంలో లాంచ్ అయింది. ఈ ఈవీ భారత్ ఎన్‌సీఏపీ క్రాష్ టెస్ట్‌లో మంచి రేటింగ్‌ను సాధించింది. ఏకంగా నెక్సాన్ ఈవీతో పాటుగా 5స్టార్ సేఫ్టీ రేటింగ్‌ను అందుకుంది. ఈ టాటా పంచ్ ఈవీ రూ.10.99 లక్షల ఎక్స్ షోరూమ్ ప్రారంభ ధరతో లాంచ్ అయింది. అలాగే దీని లాంగ్ రేంజ్ వేరియంట్‌ రూ.14.49 లక్షల ఎక్స్ షోరూమ్ ప్రారంభ ధరతో అందుబాటులో ఉంది.
ఈ లాంగ్ రేంజ్ వేరియంట్‌కు ఒక్కసారి ఛార్జింగ్ చేస్తే దాదాపు 421 కి.మీ మైలేజీ అందిస్తుంది. అదే సమయంలో టాటా టియాగో ఎలక్ట్రిక్ వెహికల్‌పై ఈ జూలై నెలలో దాదాపు రూ.50,000 వరకు డిస్కౌంట్ అందిస్తున్నట్లు తెలిపింది. ఈ టియాగో ఎలక్ట్రిక్ వెహికల్ గతేడాది టాటా కంపెనీ నుండి అత్యధికంగా సేల్ అయిన కారుగా నిలిచింది. ఈ ఏడాది కూడా అదే స్థాయిలో సేల్స్ కొనసాగిస్తూ అగ్రస్థానంలో నిలిచింది. ఈ ఎలక్ట్రిక్ కారు టాటా మోటార్స్ నుంచి వచ్చిన అతిచిన్న అఫర్డ‌బుల్ కారు.
Share
Lucky Rashi from 12 July: నేటి నుండి 46 రోజుల పాటు ఈ 5 రాశులకు వ్యాపారం, ఉద్యోగంలో అన్నీ మంచి రోజులే..
Joe Biden Calls Zelensky: మరోసారి బయటపడిన బైడెన్ మతిమరుపు.. జెలెన్‌స్కీని పుతిన్ అంటూ సంబోధన!
