Singapore Airlines gives 8 Months Salary as a Bonus: సింగపూర్ ఎయిర్ లైన్స్ ఉద్యోగులకు గుడ్ న్యూస్ చెప్పింది. ఆశించిన దాని కంటే అధిక లాభాలు రావడంతో ఎనిమిది నెలల జీతానికి సమానమైన మొత్తాన్ని బోనస్ గా ఇవ్వాలని నిర్ణయించింది. 2023-24 ఆర్థిక సంవత్సరంలో సింగపూర్ ఎయిర్ లైన్స్ రికార్డు స్థాయిలో లాభాలను ఆర్జించింది. 1.98 బిలియన్ డాలర్ల నికర లాభం వచ్చినట్లు సంస్థ పేర్కొంది.
సింగపూర్ ఎయిర్ లైన్స్ కు వచ్చిన లాభాల్లో కొంత భాగాన్ని ఉద్యోగులకు బోనస్ రూపంలో చెల్లించనున్నట్లు సంస్థ ప్రకటించింది. కరోనా వల్ల మూతపడిన చైనా, హాంకాంగ్, జపాన్, తైవాన్ సరిహద్దులు ఏడాది క్రితం తెరుచుకోవడంతో లాభాలు సాధ్యమయ్యాయని ఎయిర్ లైన్స్ ఆర్థిక నివేదిక వెల్లడించింది. ఏడాది మొత్తం విమాన ప్రయాణాలకు డిమాండ్ ఏర్పడిందని పేర్కొంది.
గతేడాది ప్రపంచంలోనే అత్యుత్తమ విమానయాన సంస్థగా ది స్కైట్రాక్స్ వరల్డ్ ఎయిర్ లైన్స్ అవార్డును సింగపూర్ ఎయిర్ వేస్ సొంతం చేసుకుంది. 23 ఏళ్లలో సింగపూర్ ఈ పురస్కారాన్ని గెలుచుకోవడం ఇది ఆరో సారి. ఉద్యోగుల కృషి ఫలితంగానే అవార్డు దక్కిందని సింగపూర్ ఎయిర్ లైన్స్ సీఈఓ గో చూన్ ఫాంగ్ తెలిపారు.
Also Read: అదానీ గ్రూప్ రూ.80వేల కోట్ల పెట్టుబడులు.. ఆ రెండు రంగాలపై ఫోకస్..!
ఎయిర్ ట్రావెల్స్ లో పుంజుకోవడానికి అవార్డు ఎంతగానో సహాయపడుతుందని చెప్పారు. ఎమిరేట్స్ గ్రూప్ కూడా తమ ఉద్యోగులకు 20 వారాల జీతాన్ని బోనస్ గా ప్రకటించింది. మే నెల జీతాల్లో ఈ మొత్తాన్ని చెల్లించనున్నట్లు తెలిపింది. గత ఆర్థిక సంవత్సరంలో రికార్డు స్ధాయిలో లాభాలు ఆర్జించినట్లు ప్రకటించింది.