Loan against Fixed Deposit (FD): చేతిలో మిగులు డబ్బులుంటే.. మదుపరులకు ముందు వచ్చే ఆలోచన ఫిక్స్‌డ్‌ డిపాజిట్‌(ఎఫ్‌డీ). అయితే.. చాలామంది ఎమర్జెన్సీలో టక్కున ఎఫ్‌డీని బ్రేక్ చేస్తుంటారు. దీనివల్ల కొంత వడ్డీని వదులుకోవాల్సి వస్తుంది. ఒకానొక సమయంలో అత్యవసరంగా డబ్బులు అవసరమైనప్పుడు ఏంచేయాలో తోచదు. బయట వ్యక్తుల వద్ద తీసుకున్న వడ్డీ ఎక్కువగా ఉంటుంది. పోనీ బ్యాంకులో పర్సనల్ లోన్ తీసుకుందామంటే ప్రాసెస్ కే ఎక్కువటైమ్ పడుతుంది.

ఇలాంటి సందర్భాలలో అత్యవసర సమయంలో డబ్బులు సమకూర్చుకునేందుకు మీరు చేసిన ఫిక్స్ డ్ డిపాజిట్లు ఉపయోగపడతాయి. ఇలాంటి సమయాల్లో ఎఫ్‌డీ మీద రుణం తీసుకోవటం అత్యుత్తమ నిర్ణయం. ఈ ఏడాది ఏప్రిల్ నాటికి ఎఫ్‌డీల మీది రుణాలు గతంలో కంటే 43 శాతం పెరగ్గా, ఫిబ్రవరి నాటికి తీసుకున్న ఎఫ్‌డీలపై రుణాల మొత్తం రూ.1.13 లక్షల కోట్లకు చేరింది. ఫిక్స్ డ్ డిపాజిట్లపై ఇచ్చే రుణాల వడ్డీ రేటు బ్యాంకులు చెల్లించే పడ్డీ రేటు కన్నా 0.75 శాతం నుంచి 2 శాతం వరకు అదనంగా ఉంటుందని గుర్తించకోవాలి.

ఎఫ్‌డీపై రుణం వల్ల ప్రయోజనాలు..
ఎఫ్‌డీ చేసిన మొత్తంలో 70 – 90% వరకు రుణంగా పొందొచ్చు. ఒక్కో బ్యాంకును బట్టి రూ.10 లక్షల ఎఫ్‌డీ మీద కనీసం రూ. 7లక్షల రుణం లభిస్తుంది. ఎఫ్‌డీపై తీసుకునే రుణానికి వడ్డీ కూడా తక్కువే. ఎఫ్‌డీ చేసినందుకు బ్యాంకు మనకు 7 శాతం వడ్డీ ఇస్తుంటే.. అదే ఎఫ్‌డీ మీద మరో 2 లేదా 3 శాతమే అధికంగా చెల్లిస్తే చాలు.

వ్యక్తిగత రుణం, బయటి వడ్డీలతో పోల్చితే ఇది చాలా తక్కువే. ఎఫ్‌డీ ఎంత కాలానికి తీసుకున్నారో.. అదే టైం దానిమీద తీసుకున్న రుణానికీ వర్తిస్తుంది. వీలున్నంత తక్కువ టైం కోసం దీనిమీద రుణం తీసుకుని మళ్లీ వెంటనే చెల్లించేయటం ఉత్తమమైన విధానం. ఇతర రుణాలలాగా ఎఫ్‌డీపై తీసుకునే రుణానికి ప్రాసెసింగ్ రుసుములు వంటివి ఉండవు.  ఏదైనా బ్యాంకు దీన్ని వసూలు చేసినా అది నామమాత్రమే.
ఇతర రుణాల మాదిరిగా దీనికి పెద్దగా అప్లికేషన్ ప్రాసెస్ కూడా ఉండదు. వాటికి సంబంధించిన ఫారాలపై రుణం తీసుకుంటున్నట్లు సంతకం చేస్తే సరిపోతుంది.

Share

• 
• 
• 
• 
• 
•