Driver: ముఖేష్ అంబానీ డ్రైవర్ జీతం ఎన్ని లక్షలంటే?

Driver: రిలయన్స్ అధినేత ముఖేష్ అంబానీ గురించి ప్రత్యేకంగా చెప్పాల్సిన పనిలేదు. ఆసియాలోనే అత్యంత సంపన్నుల్లో ఆయన ఒకరు. అటువంటి వ్యక్తి దగ్గర చిన్న ఉద్యోగం దొరికినా చాలు.. సెటిల్ అయిపోవచ్చని చాలా మంది అనుకుంటారు. వారి వద్ద పనిచేయడానికి పోటీ పడుతుంటారు. ఎందుకుంటే చిన్న ఉద్యోగులకే భారీగా జీతాలు ఇస్తారు కాబట్టి.

2017లో ముఖేష్ అంబానీ డ్రైవర్‌కు సంబంధించిన ఓ వీడియో సోషల్ మీడియాలో వైరలయింది. ఆ వీడియోలోని సమాచారం ప్రకారం అప్పట్లోనే డ్రైవర్ జీతం నెలకు రూ. 2 లక్షలు. డ్రైవర్‌కు అన్ని లక్షల జీతామా..అని వీడియో చూసిన చాలా మంది షాక్ అయిపోయారు. ఆ తర్వాత చాలా మంది అంబానీ వద్ద డ్రైవర్ పోస్టు కోసం పోటీపడ్డారు.

తాజాగా ముఖేష్ అంబానీ డ్రైవర్‌ గురించి మళ్లీ సోషల్ మీడియాలో చర్చించుకుంటున్నారు. ఐదేళ్ల క్రితమే అతని జీతం రూ.2 లక్షలు అంటే ఇప్పుడు ఎంత ఉండి ఉంటుందని గుసగుసలాడుకుంటున్నారు. ఎంత లేదన్నా ఐదేళ్లలో 50 శాత పెంచినా నెలకు రూ.3 లక్షలు అవుతుందని అనుకుంటున్నారు.

ఇక అంబానీ దగ్గర డ్రైవర్‌గా చేయడం అంటే ఆషామాషీ వ్యవహారం కాదు. ఎంతో నైపుణ్యం ఉండాలి. ఓ ప్రైవేట్ కాంట్రాక్టు సంస్థ ద్వారా డ్రైవర్లను నియమించుకుంటారు. లగ్జరీ కార్లను ఎలా నడపాలి.. ఎటువంటి పరిస్థితిలో అయినా, రోడ్లపైన అయినా వారు కార్లను నడిపేలా సదరు కాంట్రక్టు కంపెనీలు వారికి ట్రైనింగ్ ఇస్తాయి.

Share

• 
• 
• 
• 
• 
•