Electric Cars:భారతదేశంలో గత రెండేళ్లుగా ఎలక్ట్రిక్ వాహనాల అమ్మకాలు జోరుగా సాగుతున్నాయి. ఎలక్ట్రిక్ టూ వీలర్లతో పాటు, ఎలక్ట్రిక్ కార్లను కూడా వినియోగదారులు తెగ కొంటున్నారు. అయితే చాలా మంది… వాహనం ధర ఎంత? ఎన్ని కిలోమీటర్లు ప్రయాణిస్తుంది? బ్యాటరీ, మోటర్ కెపాసిటీ ఎంత? ఎన్నేళ్లు వారంటీ ఇస్తున్నారు? అనే విషయాలు మాత్రమే తెలుసుకుంటూ ఉంటారు. కానీ, అన్నిటికన్నా ముఖ్యంగా తెలుసుకోవాల్సింది ఒకటి ఉంది. అదే… బ్యాటరీ ధర. ఇది తెలుసుకోవాల్సిన పనేముందని అనుకుంటున్నారా? కచ్చితంగా తెలుసుకోవాల్సిందే. ఎందుకంటే… సంప్రదాయ ఇంధన వాహనాలతో పోలిస్తే ఎలక్ట్రిక్ వాహనాలు చాలా డిఫరెంట్ కాబట్టి.
పెట్రోల్ లేదా డీజిల్ వాహనాలకు రెగ్యులర్ సర్వీస్ ఖర్చులు మినహా… ఇంజిన్ విషయంలో వాటి జీవితకాలమంతా భరోసా ఉంటుంది. కానీ ఈవీలు అలా కాదు. ఎలక్ట్రిక్ టూ వీలర్ల బ్యాటరీలకు 3 నుంచి ఐదేళ్లు లేదా 40 నుంచి 50 వేల కిలోమీటర్ల వారెంటీ మాత్రమే ఇస్తున్నారు. అంటే… అంతకుమించి బ్యాటరీ లైఫ్ ఎక్కువ ఉండదు. ఇక కొన్ని ఎలక్ట్రిక్ కార్ల కంపెనీలు 8 ఏళ్లు లేదా లక్షా 60 వేల కిలోమీటర్ల వారంటీ ఇస్తున్నాయి. వారెంటీ ఉండగా బ్యాటరీ పాడైపోతే చాలా కంపెనీలు ఉచితంగానే కొత్తది ఇస్తామంటున్నాయి. కానీ… వారెంటీ పీరియడ్ ముగిశాక బ్యాటరీ పాడైతే… వినియోగదారులే కచ్చితంగా కొత్త బ్యాటరీ కొనుక్కోవాలి. ఈవీ బ్యాటరీ ధర… మామూలు బైకులు, కార్లకు ఉండే బ్యాటరీ ధరలోనే అందుబాటులో ఉంటుందనుకుంటే పొరపాటే. ఈవీ ధరలో ఒక్క బ్యాటరీ విలువే సగానికిపైగా ఉంటుంది. అందుకే… ఈవీ కొనే ముందే… కొత్త బ్యాటరీ ధర ఎంత ఉంటుందనే విషయం కచ్చితంగా తెలుసుకోవాలి.
ప్రస్తుతం మార్కెట్లో ఓలా, టాటా ఈవీలకు భారీ డిమాండ్ ఉంది. ఓలా కంపెనీ అందుబాటులోకి తెచ్చిన వివిధ ఈవీ మోడళ్లలో 2, 3, 4 కిలోవాట్ల సామర్థ్యం ఉన్న బ్యాటరీలు అమర్చుతున్నారు. ఓలా ఈవీల్లోని 4 కిలోవాట్ల బ్యాటరీ ధరే ఏకంగా రూ. 87వేలకు పైగా ఉంది. అదే 3 కిలోవాట్ల బ్యాటరీ ధర చూస్తే రూ.66 వేలకు పైగా ఉంది. ఇక 2 కిలోవాట్ల బ్యాటరీ ధర కూడా రూ.50 వేల దాకా ఉంటుంది. ఇక టాటా నెక్సాన్ ఎలక్ట్రిక్ కారు షోరూం ధర రూ.15 లక్షల నుంచి రూ.17.5 లక్షల మధ్య ఉంది. ఇందులో అమర్చే బ్యాటరీ విలువే ఏకంగా రూ.11 లక్షల దాకా ఉంటుందని నిపుణులు చెబుతున్నారు. సో… ఈవీలు కొన్న వినియోగదారులు… వారెంటీ గడువు ముగిశాక కొత్త బ్యాటరీలు కావాలంటే మాత్రం… భారీగా ఖర్చు చేయాల్సిందే.
Share
Crucial:కీలకంగా మారిన మిగతా రెండు టెస్టులు.. ఎందుకంటే?
Gang Rape : మహిళ కిడ్నాప్.. కారులో గ్యాంగ్ రేప్.. హైదరాబాద్‌లో దారుణం..
