BMW R 1300 GS Launch: దేశీయ మార్కెట్లో బీఎండబ్ల్యూ కంపెనీకి బాగా క్రేజ్ ఉంది. అత్యంత ఖరీదైన బైక్లను రిలీజ్ చేస్తూ వాహన ప్రియులను అట్రాక్ట్ చేస్తుంది. అయితే తాజాగా BMW భారతదేశంలో తన ఫ్లాగ్షిప్ అడ్వెంచర్ మోటార్సైకిల్ ‘R 1300 GS’ని విడుదల చేసింది. ఇది పూర్తి దిగుమతిగా భారతదేశానికి రవాణా చేయబడింది. ఇది రూ.20.95 లక్షల (ఎక్స్-షోరూమ్) ప్రారంభ ధరతో అందుబాటులోకి వచ్చింది. ఈ BMW R 1300 GS బైక్ పెద్ద ఇంజన్, కొత్త ఫీచర్లతో బైక్ ప్రియులను అట్రాక్ట్ చేస్తోంది.
R 1300 GS బైక్ దాని ముందున్న దానితో పోలిస్తే పూర్తిగా కొత్త డిజైన్ను కలిగి ఉంది. ముందు భాగం పూర్తిగా రీడిజైన్ చేయబడింది. ఇప్పుడు ఇది X-motif LED DRLలతో కొత్త LED హెడ్ల్యాంప్ను పొందింది. ఈ మోటార్సైకిల్ R 1250 GS కంటే సన్నగా ఉన్నట్లు తెలుస్తోంది. తక్కువ ఇంధన ట్యాంక్ను పొందుతుంది. కొత్త R 1300 GS కొత్త స్టీల్ షీట్-మెటల్ ఫ్రేమ్ను కలిగి ఉంది.
ఈ మోటార్సైకిల్ ఇప్పుడు అడాప్టివ్ క్రూయిజ్ కంట్రోల్తో వస్తుంది. BMW R 1300 GS బైక్ కీలెస్ ఇగ్నిషన్, నాలుగు ప్రామాణిక రైడింగ్ మోడ్లతో వస్తుంది. 6.5-అంగుళాల ఫుల్ కలర్ TFT డిస్ప్లేతో వస్తుంది. అవి రెయిన్, రోడ్, ఎకో, ఎండ్యూరో. ఈ మోటార్ సైకిల్ ఇప్పుడు కొత్త Evo Telelever సెటప్ను ముందు భాగంలో పొందుతుంది. దానితో పాటు వెనుకవైపు కొత్త Evo paralever సెటప్ కూడా ఉంది. ఇది 237 కిలోల బరువును కలిగి ఉంది.
Also Read: ఇదెక్కడి మాస్ మామ.. 2000 సీసీతో BMW కొత్త బైక్.. ఇక అరుపులే అరుపులు!
BMW R 1300 GS బైక్ కొత్త 1300 cc లిక్విడ్-కూల్డ్ బాక్సర్-ట్విన్ ఇంజన్తో శక్తిని పొందింది. ఈ ఇంజిన్ 7750 rpm వద్ద 143.5 bhp, 6500 rpm వద్ద 149 Nm గరిష్ట టార్క్ను అందిస్తుంది. ఈ ఇంజిన్ 6-స్పీడ్ గేర్బాక్స్తో లభిస్తుంది. దీనికి సంబంధించి పూర్తి వివరాలు త్వరలో వెల్లడికానున్నాయి. అయితే ఇది భారీ సీసీతో రావడంతో బైక్ ప్రియులు ఈ బైక్ రోడ్లపై కాదు.. గాల్లో పరుగులు పెడుతుందని కామెంట్లు పెడుతున్నారు.