Nagarjuna In Bigg Boss: బిగ్ బాస్ రియాలిటీ షో తెలుగులో ప్రారంభమయిన తర్వాత పలువురు హోస్టులు మారారు. కానీ మూడో సీజన్ నుండి మాత్రం నాగార్జుననే హోస్ట్‌‌గా వ్యవహరిస్తున్నారు. వీకెండ్ ఎపిసోడ్స్‌లో నాగార్జున రావడం, కంటెస్టెంట్స్‌తో మాట్లాడడం, వారి చేసిన తప్పుల గురించి చెప్పి వారిని మార్చడం.. ఇవన్నీ కామన్. కానీ ఈ వీకెండ్ ఎపిసోడ్స్‌లో ఆయన ధరించే షర్టులపై ప్రేక్షకుల్లో ఆసక్తి మొదలయ్యింది. ఆ షర్ట్స్ అన్నీ చూడడానికి సింపుల్‌గా ఉన్నా వాటి ధర గురించి తెలిసి అందరూ షాకవుతున్నారు. తాజాగా ప్రసారమయిన ఆదివారం ఎపిసోడ్‌లో నాగార్జున ఒక బ్లూ షర్ట్‌లో కనిపించారు. అది చూడడానికి సింపుల్‌గా ఉన్నా.. దాని ధర తెలిస్తే మాత్రం ప్రేక్షకులు షాక్ అవ్వక తప్పదు.

లక్షల్లో ధర

నాగార్జున బ్లూ షర్ట్ ఏదో బాగుంది, మాకు కూడా ఇలాంటి షర్ట్ కావాలి అనుకున్న నెటిజన్లు.. దాని ధర ఎంతో సెర్చ్ చేయడం మొదలుపెట్టారు. గూగుల్ చేస్తూ ఈ బ్లూ షర్ట్ ధర 1,842 డాలర్లు అనే విషయం బయటపడింది. అంటే ఇండియన్ కరెన్సీ ప్రకారం చూస్తే ఈ షర్ట్ ధర రూ.1,54,209. ఈ ధర చూసిన తర్వాత షర్ట్ చూడడానికి సింపుల్‌గా ఉన్న కూడా దాని ధర లక్షన్నర రూపాయలా అని ప్రేక్షకులు ఫీలవుతున్నారు. అందుకే నాగార్జున స్టైలింగ్ చూసి ఇన్‌స్పైర్ అయినా కూడా అలాంటి బ్రాండ్స్ ధరించడం మన వల్ల కాదు అని మిడిల్ క్లాస్ అబ్బాయిలు అనుకుంటున్నారు.

Also Read: ‘బిగ్ బాస్’ ప్రేరణ ప్రేమకథ.. పాపం ఇంత బాధ భరించిందా!

స్టైలింగ్ ఇన్‌స్పిరేషన్

తాజాగా ప్రసారమయిన ఆదివారం ఎపిసోడ్‌లో మాత్రమే కాదు.. ప్రతీ ఎపిసోడ్‌లో నాగార్జున ధరించే డ్రెస్సులు సింపుల్‌గానే ఉన్నాయి కానీ వాటి ధరలు కూడా ఇలాగే ఉంటున్నాయి. ధర ఎలా ఉన్నా కూడా చాలామంది స్టైలింగ్ ప్రియులకు ఇన్‌స్పిరేషన్‌‌గా నిలుస్తున్నారు నాగ్. ఇప్పుడు మాత్రమే కాదు.. మునుపటి సీజన్స్‌లో కూడా నాగార్జున స్టైలింగ్‌కు ఫ్యాన్స్ ఉన్నారు. కానీ ఆయన హోస్టింగ్‌ గురించే బిగ్ బాస్ ప్రేక్షకులు మిక్స్‌డ్ రివ్యూలు ఇస్తుంటారు. హౌస్‌మేట్స్ ఎన్ని తప్పులు చేసినా, ఎన్ని కాంట్రవర్సీలు క్రియేట్ చేసినా నాగార్జున మాత్రం వాటి గురించి మాట్లాడడం లేదు అని చాలామంది బిగ్ బాస్ ఆడియన్స్ ఫీలవుతున్నారు.

హోస్టింగ్‌పై ట్రోల్స్

బిగ్ బాస్ సీజన్ 8 ప్రారంభమయ్యి నాలుగు వారాలు అయ్యింది. కానీ ప్రేక్షకులు ఎక్కువగా ఎంజాయ్ చేసిన వీకెండ్ ఎపిసోడ్ ఇదే అని కామెంట్స్ చేస్తున్నారు. ఈ సీజన్ ప్రారంభమయినప్పటి నుండి నిఖిల్, పృథ్వి, సోనియా మధ్య వ్యవహారం ఎలా శృతిమించుతుందో ప్రేక్షకులు చూస్తూనే ఉన్నారు. దానిపై ఎన్నో ట్రోల్స్ కూడా వస్తున్నాయి. కానీ నాగార్జున మాత్రం దీనిపై ఎందుకు రియాక్ట్ అవ్వడం లేదని చాలామంది ఫీలవుతున్నారు. మొత్తానికి ఈ వీకెండ్ ఎపిసోడ్‌లో వారి వ్యవహారం గురించి నాగ్ స్పందించడం కరెక్టే అని ఆడియన్స్ అనుకున్నారు. సోనియా కూడా బయటికి రావడంతో బిగ్ బాస్ హౌస్‌లో చాలా మార్పులు రానున్నాయని ఆడియన్స్ అంచనా వేస్తున్నారు.

Share

• 
• 
• 
• 
• 
•