BB Telugu 8 Promo :దీపావళి సెలబ్రేషన్స్ బిగ్ బాస్ హౌస్ లో మొదలయ్యాయి. కంటెస్టెంట్స్ అందరూ సాంప్రమదాయమైన దుస్తులలో చాలా నిండుగా కనిపించారు. అసలైన దీపావళి పండుగ హౌస్ లో ఘనంగా జరిగిందంటూ నెటిజన్స్ కామెంట్లు చేస్తున్నారు. దీపావళి పండుగ రోజు పూజలు నిర్వహించి, “ముద్దుగారే యశోద” అనే పాటతో పండుగ పూట మరో కొత్త వాతావరణాన్ని కల్పించింది కంటెస్టెంట్ హరితేజ. ఆమె పాట పాడుతున్నంతసేపు కూడా మిగతా కంటెస్టెంట్స్ అందరూ లీనమైపోయి భక్తి పారవశ్యంలో మునిగిపోయారు.

ఇదిలా ఉండగా తాజాగా ఈ సెలబ్రేషన్స్ కి సంబంధించిన 61 వ రోజుకు సంబంధించి ప్రోమోని నిర్వహకులు తాజాగా విడుదల చేయగా ప్రస్తుతం ఈ ప్రోమో చాలా వైరల్ గా మారుతోంది. ఇక ప్రోమో విషయానికి వస్తే.. కంటెస్టెంట్స్ అందరూ కూడా దీపావళి పూజా కార్యక్రమాలలో మునిగిపోయారు. ఇక తర్వాత దివాలీ గ్రాండ్ సెలబ్రేషన్స్ లో భాగంగా బిగ్ బాస్ ఇచ్చిన విషయాన్ని అందరికీ చదివి వినిపించింది రోహిణి. ఈ దీపావళి పండుగ రోజు అబ్బాయిలు మరియు అమ్మాయిలకి బిగ్ బాస్ రంగోలి వేసే అవకాశాన్ని కల్పిస్తున్నారు అంటూ బుక్ లో ఉన్న విషయాన్ని తెలియజేసింది రోహిణి.

వెంటనే అబ్బాయిలు ముగ్గు వేయడం మొదలుపెట్టారు. ఎవరికి నచ్చినట్టు వారు కాకుండా.. అబ్బాయిలు ఒకవైపు అమ్మాయిలు ఒకవైపు చేరి.. రంగోలీ తో చక్కగా అలంకరించారు. అబ్బాయిలందరూ కలిసి చక్కగా శ్రీకృష్ణుడి బొమ్మను వేయగా, అమ్మాయిలు సత్యభామ ను వేసి రంగులతో చాలా అద్భుతంగా తీర్చిదిద్దారు. సత్యభామ నరకాసురుడిని వధించే ఫోజులో ఉన్నట్టుగా అమ్మాయిలు చాలా చక్కగా రంగోలి వేశారు. అటు అబ్బాయిలు కూడా శ్రీకృష్ణుడు వేణువు వాయిస్తూ ఉండగా గోవులు పరవశించిపోతున్నట్టు చాలా అద్భుతంగా రంగోలి వేశారు. ఇటు అబ్బాయిలు అటు అమ్మాయిలు ఎవరికి వారు తమ టాలెంట్ నిరూపించుకున్నారు.

ఇక తర్వాత అమ్మాయిలు, అబ్బాయిలు తమ మధ్య ఉన్న కోపాలను అన్నింటినీ పక్కన పెట్టేసి చాలా సంతోషంగా సెలబ్రేట్ చేసుకున్నారు. ఆటపాటలతో కంటెస్టెంట్స్ అందరూ ఎంజాయ్ చేశారు. ఇటు అభిమానులను కూడా సంతోషపరిచారు. మొత్తానికైతే ఈరోజు ఎపిసోడ్ దీపావళి కాంతులతో చాలా సంబరంగా జరగబోతోంది అని చెప్పవచ్చు. ఇక బిగ్ బాస్ విషయానికి వస్తే.. తెలుగులో ఏడు సీజన్లు పూర్తి చేసుకోగా ఒక ఓటీటీ వెర్షన్ కూడా పూర్తి అయింది. ఇటు 8వ సీజన్ ప్రారంభం అవ్వగా మొత్తం 14 మంది కంటెస్టెంట్స్ తో ప్రారంభమైన ఈ షో అందులో 9 మంది ఎలిమినేట్ అవ్వగా మరొకవైపు వైల్డ్ కార్డు ద్వారా ఎనిమిది మంది మాజీ కంటెస్టెంట్స్ కూడా హౌస్ లోకి అడుగుపెట్టారు.

ఇక ఇటీవలే వైల్డ్ కార్డు ద్వారా ఎంట్రీ ఇచ్చిన మెహబూబ్ ఎనిమిదో వారంలో భాగంగా ఎలిమినేట్ అయ్యారు. ఇక ప్రస్తుతం ఉన్న కంటెస్టెంట్స్ అందరూ కూడా టైటిల్ విన్నర్ గా నిలిచే ప్రయత్నాలు చేస్తున్నారు. ఇకపోతే తొమ్మిదో వారం నామినేషన్స్ లో భాగంగా ఐదు మంది నామినేట్ కాగా.. డేంజర్ జోన్ లో హరితేజ, నయని పావని ఉన్నట్లు సమాచారం.

Share

• 
• 
• 
• 
• 
•