Pawan Kalyan Latest News(Andhra pradesh political news today): వారాహి యాత్రకు బ్రేక్ ఇచ్చారు. జనసేనాని జ్వరంతో బాధపడుతున్నారు. అయినా, తనను కలిసేందుకు వచ్చిన కార్యకర్తలతో కాసేపు మాట్లాడారు. ఉదయం అమ్మఒడి సభలో పవన్ కల్యాణ్‌పై సీఎం జగన్ పంచ్‌లు వేయగా.. సాయంత్రం జగన్‌పై జనసేనాని రివర్స్ పంచ్‌లు వేశారు.

వారాహి ఎక్కి తెగ ఊగిపోతారంటూ పవన్‌ను జగన్ ఎద్దేవా చేయగా.. అయితే, ఇక నుంచి జగన్ స్టైల్లోనే చేతులు ఊపుతూ మాట్లాడుతానంటూ.. యాక్షన్ చేసి మరీ చూపించారు పవన్ కల్యాణ్.

జగన్‌కు వరాహికి.. వారాహికి తేడా తెలీడం లేదని.. తెలుగు ఉచ్చారన రాని వ్యక్తి తెలుగు రాష్ట్రానికి ముఖ్యమంత్రిగా ఉండటం మన దురదృష్టమన్నారు పవన్. జగన్‌కు అక్షరాలు సరిగా రావని.. ఒత్తులు, దీర్ఘాలు అసలే రావని అన్నారు. జనసేన వయోధికుల బడిలో.. జగన్‌కు చదువు నేర్పిస్తాం అంటూ సెటైర్లు వేశారు.

ఇక, రౌడీలా మీసాలు మెలేస్తాడు, తొడ కొడతాడు, చెప్పు చూపిస్తాడు.. అంటూ పవన్‌పై జగన్ విమర్శలు చేయగా.. వాటిపైనా క్లారిటీ ఇచ్చారు పవన్. తాను చెప్పు చూపించానంటే దాని వెనుక చాలా కథ ఉందని చెప్పారు. అమ్మఒడి కార్యక్రమంలో అలాంటి వ్యాఖ్యలు చేయడం ఏంటని తప్పుబట్టారు జనసేనాని.

Share

• 
• 
• 
• 
• 
•