Pawan Kalyan Anakapalli Tour : జనసేన అధ్యక్షుడు, జనసేనాని పవన్ కల్యాణ్ వారాహి యాత్ర ఉత్తరాంధ్రలో కొనసాగుతుంది. వారాహి విజయభేరి యాత్రలో భాగంగా నేడు పవన్ కల్యాణ్ అనకాపల్లి జిల్లాలో పర్యటించనున్నారు. మధ్యాహ్నం 3.30 గంటలకు హెలికాఫ్టర్ లో అనకాపల్లి డైట్ కళాశాల సమీపంలోని ప్రైవేట్ లే అవుట్ లో హెలీప్యాడ్ కు చేరుకుంటారు. అక్కడి నుంచి రింగురోడ్డులోని ఎన్టీఆర్ విగ్రహ కూడలి, చేపల బజార్, చిన్న నాలుగురోడ్ల కూడలి, కన్యకాపరమేశ్వరి జంక్షన్, వేల్పుల వీధి మీదుగా నెహ్రూ చౌక్ జంక్షన్ వరకూ వారాహి వాహనంలో రోడ్ షో నిర్వహిస్తారు.

సాయంత్రం 4 గంటలకు నెహ్రూచౌక్ కూడలిలో వారాహి వాహనం పై నుంచి ప్రజలనుద్దేశించి పవన్ ప్రసంగిస్తారు. సోమవారం (ఏప్రిల్ 8) యలమంచిలిలో పవన్‌ వారాహి విజయభేరి యాత్ర నిర్వహిస్తారు. అనకాపల్లి, యలమంచిలి సభల్లో పాల్గొని ప్రసంగిస్తారు. మంగళవారం పిఠాపురంలో ఉగాది వేడుకల్లో పవన్ పాల్గొననున్నారు.

Share

• 
• 
• 
• 
• 
•