Psycho Killer: వాడో సైకో. సైకో అంటే సైకోనే. ఫుల్గా తాగుతాడు. తాగిన మైకంలో దారుణాలకు తెగబడుతాడు. రోడ్లు, వీధుల వెంట నిద్రిస్తున్న వారే అతని టార్గెట్. నిద్రలో ఉన్న వారిని.. బండరాయితో బాది దారుణంగా చంపుతున్నాడు. అలా ఇద్దరు మహిళలను కొట్టి చంపాడు.
వరుస హత్యలతో పోలీసులు అలర్ట్ అయ్యారు. సమీపంలోని సీసీకెమెరా దృశ్యాలు చూసి షాక్ అయ్యారు. ఉన్మాదిగా మారిన ఆ నిందితుడు.. బండరాయితో కొట్టి కొట్టి చంపే దృశ్యాలు చూట్టానికే దారుణంగా ఉన్నాయి. చంపింది అంకమ్మరావుగా గుర్తించారు.
పల్నాడు జిల్లాలో వరుస హత్యల కేసుల్లో నిందితుడిని నరసారావుపేట పోలీసులు అరెస్టు చేశారు. సీసీ కెమెరా విజువల్ లో బయటపడ్డ సైకో హత్యల వ్యవహారం బయటకొచ్చింది. నిద్రిస్తున్న ఇద్దరు వ్యక్తులను బండ రాయితో కొట్టి చంపాడు. ఈ హత్యలన్నీ చేసింది సైకో అంకమ్మరావుగా పోలీసులు ధ్రువీకరించారు.
ఇటీవల నరసరావుపేట కూరగాయల మార్కెట్ దగ్గర నిద్రిస్తున్న వృద్ధురాలుని ఇదే తరహాలో హత్య చేశాడు. గత ఏడాది జూన్లో నరసరావుపేటకి చెందిన మహిళను ఇలానే కొట్టి చంపాడు. అంకమ్మరావుపై మొత్తం 11 కేసులు ఉన్నాయని పోలీసులు తెలిపారు. అతనిపై మర్డర్ కేసు నమోదు చేసి అరెస్ట్ చేశారు పోలీసులు.