Medico: తిరుపతి ఎస్వీ మెడికల్ కాలేజీ స్టూడెంట్స్ గొడవ పడ్డారు. అది మనసులో పెట్టుకుని.. గణేశ్‌ అనే విద్యార్థి రౌడీలా ప్రవర్తించాడు. తెల్లవారుజామున యూజీ హాస్టల్‌లో ఇద్దరు స్టూడెంట్స్‌పై సర్జికల్ బ్లేడ్, క్రికెట్ బ్యాట్, స్టంప్స్‌తో తీవ్రంగా దాడి చేశాడు.

సర్జికల్‌ బ్లేడ్‌తో మహేశ్‌ అనే విద్యార్థి గొంతుకోశాడు గణేశ్. తలపై స్టంపుతో కొట్టాడు. ప్రవీణ్ అనే విద్యార్థి తలపైనా క్రికెట్ బ్యాట్‌తో దాడి చేశాడు.

గణేశ్‌ దాడిలో తీవ్రంగా గాయపడ్డ మహేశ్‌, ప్రవీణ్‌లు రక్తమోడుతూ అక్కడే కుప్పకూలిపోయారు. వారిని వెంటనే రుయా హాస్పిటల్‌కు తరలించారు. మహేశ్‌కు డాక్టర్లు ఆపరేషన్ చేశారు. ప్రవీణ్ అనే విద్యార్థి తలకు తీవ్ర గాయాలతో చికిత్స పొందుతున్నాడు.

ప్రస్తుతం గణేశ్ పరారీలో ఉన్నాడు. పోలీసులు కేసు నమోదు చేసుకుని.. నిందితుడి కోసం గాలిస్తున్నారు.

Share

• 
• 
• 
• 
• 
•