Indian Navy Day Celebrations : భారత నౌకాదళ దినోత్సవాన్ని పురస్కరించుకొని.. విశాఖలో సందడి వాతావరణం నెలకొంది. 1971లో పాకిస్తాన్తో జరిగిన యుద్ధంలో భారత్ సాధించిన విజయానికి ప్రతీకగా… ప్రతీ ఏటా డిసెంబర్ 4వ తేదీన.. విశాఖలో నేవీ డే పేరిట నౌకాదళ విన్యాసాలు నిర్వహిస్తున్నారు. ఈ ఏడాదిలో కూడా డిసెంబర్ 4న విశాఖ ఆర్కే బీచ్ వద్ద నేవీ విన్యాసాలు చేసేందుకు ప్లాన్ చేయగా… తుపాన్ కారణంగా కార్యక్రమం రద్దు చేశారు.
ఇక నేడు ఈ కార్యక్రమాన్ని నిర్వహిస్తుండగా.. ఇప్పటికే దీని కోసం మూడు రోజులుగా రిహార్సల్ ను పూర్తి చేశారు. యుద్ద నౌకలతో పాటుగా, హెలీకాప్టర్ లు, యుద్ద విమానాలు కలసి ఈ విన్యాసాలలో పాల్గోన్నాయి. మెరైన్ కమాండోస్ విన్యాసాలు, శత్రు స్థావరాలను వాయు మార్గంలో వచ్చి మట్టు పెట్టడం, వంటి అద్భుత విన్యాసాలను ప్రదర్శించనున్నారు.
ఈ క్రమంలోనే ఈరోజు యుద్ధ నౌకలు, గగనతల విమానాల విన్యాసాలు, నావికుల సాహస క్రీడలు చూసేందుకు విశాఖ తీరం ముస్తాబైంది. విశాఖ ఈస్టర్న్ నావల్ కమాండ్ ఏర్పాటు చేసే నేవీ బ్యాండ్, విద్యార్థులు చేసే ప్రత్యేక నృత్యాలు స్పెషల్ అట్రాక్షన్ గా నిలవనున్నాయి. ఇక విశాఖలో జరిగి నేవీ డేపై మరింత సమాచారం మా ప్రతినిధి రాజు లైవ్ లో అందిస్తారు.