Husband: ఈమధ్య మనుషుల్లో పైశాచికత్వం బాగా పెరిగిపోతోంది. కామం రెక్కలు విరుచుకుంటోంది. ప్రేమ పేరుతో వేధింపులు, హత్యలు, దారుణాలు పెరిగిపోతున్నాయి. ఇదంతా ఓ టైపు అరాచకమైతే.. ఈ న్యూస్ ఇంకో రకం శాడిజం.
ఓ శుభముహూర్తాన వాళ్లిద్దరికి పెళ్లైంది. ఇంకో మంచి ముహూర్తం చూసి.. శోభనం ఏర్పాటు చేశారు. సక్సెస్ఫుల్గా తొలిరాత్రి ముగిసింది. అలా అలా కొన్ని రోజులు గడిచాయి. కట్ చేస్తే.. ఓ బ్యాడ్ డే సంచలన విషయం తెలిసింది. ఆ విషయం తెలిసి భార్య షాక్ అయింది. సిగ్గుతో చచ్చినంత పనైంది. భర్తపై విపరీతమైన కోపం వచ్చింది. విషయం పేరెంట్స్కు చెప్పగా ఆ శాడిస్ట్ భర్తను అరెస్ట్ చేసి జైలుకు పంపించారు పోలీసులు. ఇంతకీ అసలేం జరిగిందంటే…
కోనసీమ జిల్లా కాట్రేనికోన మండలంలోని ఓ తీరగ్రామంలో జరిగిందీ దారుణం. గత నెల ఫిబ్రవరి 8న ఆ యువకుడి(20)కి అదే గ్రామానికి చెందిన బాలిక(17)తో వివాహమైంది. అదే రోజు ఫస్ట్ నైట్ జరిగింది. కానీ, కొన్నిరోజులకే వారి తొలిరాత్రి దృశ్యాలు సోషల్ మీడియాలో కనిపించాయి. వారి ఏకాంత కార్యమంతా ఆ వీడియోలో రికార్డైంది. అంతే. ఆ భార్యకు దిమ్మతిరిగి పోయింది. తామిద్దరమే ఉన్న గదిలో జరిగిన దృశ్యాలను ఎవరు రికార్డు చేసినట్టు? తమ గదిలోకి మూడో వ్యక్తి వచ్చే ఛాన్సే లేదు? మరి ఇంకెవరు ఈ పని చేసినట్టు? ఆమె అనుమానమే నిజమైంది. భర్తే ఈ దారుణానికి కారణమని తెలిసింది. ఫస్ట్ నైట్ శృంగారతంతు మొత్తం సెల్ఫోన్లో రికార్డు చేశాడు ఆ శాడిస్ట్ మొగుడు. ఆ వీడియోను సోషల్ మీడియాలో అప్లోడ్ చేయడంతో కలకలం మొదలైంది. ఆ వీడియో వైరల్ అయి భార్య కంట పడటంతో విషయం వెలుగు చూసింది.
జరిగిన దారుణంపై బాలిక తల్లి పోలీసులకు ఫిర్యాదు చేసింది. అయితే, ఆమె పోలీసుల దగ్గరకు వెళ్లకుండా ఆ భర్త కుటుంబ సభ్యులు ప్రయత్నించారు. గ్రామపెద్దలతో ప్రైవేటు పంచాయితీ చేసి.. మేటర్ను సైలెంట్గా క్లోజ్ చేయాలని చూశారు. కానీ, ఆ బాలిక తల్లి వారి ఒత్తిడికి లొంగకుండా.. పోలీసులనే ఆశ్రయించింది. ఆ సైకో భర్తను అరెస్ట్ చేసి కోర్టులో ప్రొడ్యూస్ చేయగా.. 14 రోజుల రిమాండ్ పడింది. ఈ విషయం స్థానికంగా తీవ్ర కలకలం రేపింది.