Fire accident : కేంద్రపాలిత ప్రాంతం యానాంలో అగ్ని ప్రమాదం చోటు చేసుకుంది. ఈ ప్రమాదంలో బోటులో ఉన్న వ్యక్తి మంటల్లో చిక్కుకుని మృతి చెందాడు. యానాం శివారు ప్రాంతం అయిన దరియాలతిప్ప తీరంలో లంగర్ వేసిఉన్న బోటులో మంటలు చెలరేగడంతో ఈ ప్రమాదం చోటు చేసుకుంది. గమనించిన స్థానికులు అగ్నిమాపక సిబ్బందికి సమాచారం అందించారు.

సమాచారం అందుకున్న పోలీసులు ఘటన స్థలానికి చేరుకున్నారు. మంటలను అదుపులోకి తీసుకువచ్చారు . అయితే అప్పటికే బోటు పూర్తిగా కాలిపోయింది. ప్రమాదానికి గురైన బోటు భైరవపాలెం నుంచి గౌతమి నది మీదగా దరియాలతిప్పకు వచ్చినట్టు గుర్తించారు. మంటల్లో చిక్కుకుని మరణించిన వ్యక్తిని గంగాద్రిగా గుర్తించారు. మృతదేహాన్ని పోస్టుమార్టంకు తరలించి.. కేసు నమోదు చేసి దర్యాప్తు చేస్తున్నారు.

Share

• 
• 
• 
• 
• 
•