Kurnool: అక్కడ తల్లి ఉందని తెలిసినా.. కనిపించని పరిస్థితి. మాట్లాడటానికి వీలులేని దుస్థితి. ఏమైందో కూడా తెలుసుకోలేని పసి వయసు. తల్లి ఎందుకు రాదో, ఎందుకు మాట్లాడటం లేదో అర్థం కాక.. అమ్మ కోసం ఆ చిన్నారి పడే ఆవేదన చూస్తే.. ఎవ్వరైనా కన్నీళ్లు పెట్టాల్సిందే. అమ్మా అమ్మా అంటూ పిలుస్తూ జైలు గేటు దగ్గరే వెక్కి వెక్కి ఏడ్చింది. ఈ హృదయవిదారక దృశ్యం కర్నూల్ సబ్ జైల్ వద్ద కనిపించింది.
కర్నూలు పాత బస్తీకి చెందిన ఓ మహిళ చోరీ కేసులో అరెస్టైంది. దీంతో పోలీసులు ఆమెను రిమాండ్కు తరలించారు. తల్లిని అరెస్టు చేసి జైలుకు తరలించడంతో.. ఆ చిన్నారి దిక్కులేనిదైంది. జైలు గేటు కొడుతూ అమ్మా రావా అంటూ పిలుస్తూ వెక్కి వెక్కి ఏడ్చింది. ఆ చిన్నారిని గమనించిన పోలీసులు.. తల్లితో కుమార్తెను కలిపించారు. అనంతరం పోలీసులు ఆ బాలికను బంధువులకు అప్పగించారు.