AP Congress Candidate List Released: ఏపీ అసెంబ్లీ ఎన్నికల నేపథ్యంలో కాంగ్రెస్ అభ్యర్థులను ప్రకటించింది. 38 మంది అభ్యర్థులతో కూడిన జాబితాను ఆ పార్టీ జనరల్ సెక్రటరీ కేసీ వేణుగోపాల్ సోమవారం విడుదల చేశారు. ఈ జాబితాలో గతంలో ప్రకటించిన 10 స్థానాల్లో అభ్యర్థులను మార్చింది. 28 స్థానాలకు కొత్త అభ్యర్థులు ప్రకటించగా 10 స్థానాల్లో మార్పులు చేర్పులు చేసింది.
కాంగ్రెస్ పార్టీ తొలి జాబితాలో 5 ఎంపీ, 114 అసెంబ్లీ నియోజకవర్గాలకు అభ్యర్థులను ప్రకటించిన విషయం తెలిసిందే. ఇక రెండో జాబితాలో 12 అసెంబ్లీ స్థానాలకు, 6 ఎంపీ స్థానాలకు అభ్యర్థులను కాంగ్రెస్ అధిష్టానం అభ్యర్థులను ఖరారు చేసింది. కాగా ఆదివారం విడుదల చేసిన జాబితాలో మరో 9 ఎంపీ స్థానాలకు అభ్యర్థులను ప్రకటించింది.
శ్రీకాకుళం, గజపతినగరం, తాడికొండ, ఒంగోలు, కనిగిరి, కోవూరు, సర్వేపల్లి, గూడూరు, సూళ్లూరుపేట, హిందూపురం నియోజకవర్గాలలో అభ్యర్థులను మారుస్తూ కాంగ్రెస్ పార్టీ అధిష్టానం నిర్ణయం తీసుకుంది. ఇటీవలే పార్టీలో చేరిన ఆమంచి కృష్ణమోహన్ చీరాల బరిలో నిల్చోనున్నారు.
Also Read: 114 అసెంబ్లీ, 5 లోక్ సభ స్థానాలకు అభ్యర్థులను ప్రకటించిన కాంగ్రెస్..
Also Read: Pawan Kalyan Nomination Updates: కాసేపట్లో నామినేషన్ వేయనున్న పవన్ కల్యాణ్