Chandrababu Supreme Court : ఏపీ స్కిల్ డెవలప్మెంట్ కేసులో(AP Skill Development Case)టీడీపీ అధినేత నారా చంద్రబాబు నాయుడు దాఖలు చేసిన క్వాష్ పిటిషన్‌ను సుప్రీం కోర్టు తన తీర్పును మరోసారి వాయిదా వేసింది. ఈ కేసులో ముందుగా చంద్రబాబునాయుడు ఏపీ హైకోర్టులో క్వాష్ పిటీషన్ దాఖలు చేశారు. కానీ హైకోర్టు పిటీషన్ డిస్మిస్ చేసింది.

దీంతో హైకోర్టు తీర్పును సవాల్ చేస్తూ చంద్రబాబు తరఫు న్యాయవాదులు దేశపు అత్యున్నత న్యాయస్థానాన్ని ఆశ్రయించారు. క్వాష్ పిటిషన్ కొట్టివేత వ్యవహారంపై వాదోపవాదాలు పూర్తయిన నేపథ్యంలో సుప్రీం కోర్టు ఇంతకు ముందు తీర్పు రిజర్వ్ చేసింది. అయితే నవంబర్ 9న తీర్పు వెలువరించాల్సి ఉండగా.. సుప్రీం కోర్టు తీర్పును మరోసారి వాయిదా వేస్తూ దీపావళి సెలవులు పూర్తయ్యక అంటే తీర్పు వెల్లడిస్తామని సుప్రీం న్యాయమూర్తులు తెలిపారు. నవంబర్ 10వ తేదీ నుంచి 19వ తేదీ వరకు దీపావళి సెలవులున్నాయి. ఈ నేపథ్యంలో నవంబర్ 23లోగా తీర్పు వచ్చే అవకాశం ఉందని తెలుస్తోంది.

మరోవైపు ఫైబర్ నెట్ కేసులో చంద్రబాబు నాయుడు బెయిల్ పిటిషన్‌పై విచారణను సుప్రీం కోర్టు వాయిదా వేసింది. నవంబర్ 30న ఈ కేసు విచారణ చేపడుతామని ఉన్నత న్యాయస్థానం తెలిపింది. అలాగే చంద్రబాబుని ఈలోగా అరెస్టు చేయవద్దని సిఐడి అధికారులను ఆదేశించింది.

Share

• 
• 
• 
• 
• 
•