Nara Lokesh : స్కిల్ డెవలప్ మెంట్ స్కామ్ కేసులో నారా లోకేష్ కు బిగ్ రిలీఫ్ లభించింది. లోకేష్ పై కేసును ఏపీ హైకోర్టు క్లోజ్ చేసింది. స్కిల్ కేసులో లోకేష్ ను ముద్దాయిగా చూపని కారణంగా కేసును కొట్టివేస్తూ తీర్పునిచ్చింది. ఈ కేసులో లోకేష్ ను ముద్దాయిగా చూపని కారణంగా ఆయన్ను అరెస్ట్ చేయబోమని సీఐడీ కోర్టుకు వెల్లడించింది. ఇరుపక్షాల వాదనలు విన్న ధర్మాసనం ఈ కేసును క్లోజ్ చేస్తున్నట్లు ప్రకటించింది.

స్కిల్ డెవలప్ మెంట్ స్కామ్ కేసులో నారా లోకేష్ ముందస్తు బెయిల్ కోరుతూ హైకోర్టును ఆశ్రయించగా.. దానిపై విచారణ చేసిన ధర్మాసనం లోకేష్ ను గురువారం వరకూ అరెస్ట్ చేయవద్దంటూ సీఐడీకి ఆదేశాలు జారీ చేసింది. ఈ నేపథ్యంలో నేడు బెయిల్ పిటిషన్ విచారణకు రాగా.. సీఐడీ ఇచ్చిన సమాధానం విని కేసును క్లోజ్ చేసింది ధర్మాసనం. మరోవైపు ఇదేకేసులో చంద్రబాబు నాయుడు బెయిల్ పిటిషన్ పై విచారణను 17వ తేదీకి వాయిదా వేసింది. ఇందుకు కౌంటర్ దాఖలు చేయాలని సీఐడీని ఆదేశించింది. 17వ తేదీ నుంచి వాదనలు వింటామని తెలిపింది. అలాగే అంగళ్లు-అల్లర్లు కేసులో చంద్రబాబు ముందస్తు బెయిల్ పిటిషన్ పై ఇరువురి వాదనలు విన్న న్యాయస్థానం తీర్పును రిజర్వ్ చేసింది.

Share

• 
• 
• 
• 
• 
•