AP Volunteers : ఏపీలో వాలంటీర్ల వ్యవహారం కోర్టుకెక్కింది. పవన్ కళ్యాణ్ వ్యాఖ్యలతో కలత చెందిన ఓ మహిళా వాలంటీర్ కోర్టులో కేసు వేసింది. వాలంటీర్లలో అధిక శాతం మహిళలు ఉన్నారని.. ఉమెన్ ట్రాఫికింగ్‌కు సంబంధించి కేంద్రనిఘా వర్గాల సమాచారం పవన్‌ దగ్గర ఉంటే ఆ ఆధారాలను కోర్టుకు వెల్లడించాలని పిటిషన్‌లో కోరారు. ప్రభుత్వానికి సహాయకులుగా ఉన్న వాలంటీర్లపై పవన్ కళ్యాణ్ వ్యాఖ్యలు సరికాదన్నారు. పవన్ వ్యాఖ్యల్లో ప్రభుత్వాన్ని అస్థిరపరిచే కుట్ర ఉందని పిటీషనర్‌ ఆరోపించారు.

వదంతులతో ప్రజల్ని రెచ్చగొట్టి వాలంటీర్లపై తిరగబడేలా పవన్ వ్యాఖ్యలు ఉన్నాయని పిటిషన్‌లో ప్రస్తావించారు. అందుకే పవన్ కళ్యాణ్‌పై చర్యలు తీసుకోవాలని.. సెక్షన్ 499, 500, 504, 505 ప్రకారం కేసు దాఖలు చేయాలని పిటిషనర్ కోరారు.

Share

• 
• 
• 
• 
• 
•