AP Election Results 2024 LIVE NDA Leads on 130 seats: ఆంధ్రప్రదేశ్ శాసనసభకు జరిగిన ఎన్నికల్లో టీడీపీ కూటమి అభ్యర్థులు దూసుకుపోతున్నారు. చాలా జిల్లాల్లో క్లీన్ స్వీప్ దిశగా కూటమి అడుగులు వేస్తోంది.
మొత్తం 175 సీట్లకు దాదాపు 130 సీట్లకు పైగానే కూటమి అభ్యర్థులు ఆధిక్యంలో కొనసాగుతున్నారు. అధికార వైసీపీ కేవలం 21 సీట్లలో మాత్రమే ఆధిక్యంలో ఉంది. ఇక జనసేన పోటీ చేసిన అన్ని సీట్లలోనూ మెజార్టీ దిశగా అభ్యర్థులు వెళ్తున్నారు. ఇక బీజేపీ అభ్యర్థులు కూడా అదే దారిలో ఉన్నారు.
ప్రస్తుతం ట్రెండ్ చూస్తుంటే ఏపీలో చాలామంది మంత్రులు ఓటమి దిశగా పయనిస్తున్నారు. వైసీపీ ఫైర్ బ్రాండ్ రోజా, సీదిరి అప్పలరాజు, గుడివాడ అమర్నాథ్, జోగి రమేష్ వంటి నేతలు ఉన్నట్లు సమాచారం. టీడీపీ-జనసేన-బీజేపీ మధ్య ఓట్లు బదిలీ బాగానే జరిగిందని నేతలు అంటున్నారు. ఎక్కడ చూసినా సైకిల్ ప్రభంజనం కొనసాగుతోంది.