AP Home Minister Anitha Vangalapudi: చీరకట్టడం మన సాంప్రదాయమని, చీరలోనే అమ్మతనం, కమ్మతనం ఉంటుందని హోం మంత్రి అనిత పేర్కొన్నారు. ది స్పిరిట్ ఆఫ్ వైజాగ్ సొసైటీ ఆధ్వర్యంలో ఆర్కే బీచ్లో జరిగిన కలర్ పుల్ హ్యాండ్లూమ్ శారీ వాక్ కార్యక్రమానికి హోం మంత్రి ముఖ్య అతిథిగా హాజరయ్యారు. ఈ సందర్భంగా ఆమె మాట్లాడారు.
ఏపీ చేనేత కార్మికులను కాపాడుకోవాలని పిలుపునిచ్చారు. ఏపీ ప్రభుత్వంలో కార్మికులను ఆదుకుంటామని హోం మంత్రి హామీ ఇచ్చారు. ఇందులో భాగంగానే చీర గురించి పలు ఆసక్తికర వ్యాఖ్యలు చేశారు. చీర అంటేనే గుర్తుకొచ్చేది అమ్మ మాత్రమేనని, భావితరాలు ఈ సాంప్రదాయాన్ని కొనసాగించాలన్నారు.
చీరను నేసేటప్పుడు చేనేత కార్మికులకు కష్టం ఉంటుందని, ఒక చీరను నేయడానికి దాదాపుగా 20 రోజులకు పైగా సమయం పడుతుందన్నారు. చిన్నపాటి వర్షం పడిన ఇబ్బందులు పడుతున్నారన్నారు. అయితే చేనేత కార్మికులు సమస్యలు ఇప్పటికీ తీరడం లేదని, మా ప్రభుత్వంలో చేనేత కార్మికులకు ఇబ్బందులు లేకుండా చేస్తామన్నారు.