Mobiles Hacked : నేటి ప్రపంచంలో మనిషికి కూడు, గుడ్డ, నీరు అనే మూడు అవసరాలతోపాటు.. ప్రస్తుతం ఫోన్ నాలుగో అవసరంగా మారిపోయింది. జేబులో పర్సు లేకున్నా.. చేతిలో మాత్రం ఫోన్ ఉండాల్సిన పరిస్థితి. దానిలోనే.. వ్యక్తిగత, ఆర్థిక సమాచారమంతా ఉంటోంది. దీంతో హ్యాకర్లు ఫోన్లను ఈజీగా హ్యాక్ చేస్తుంటారు. ఇప్పుడు ఫోన్ హ్యాకింగ్ను పసిగట్టడమెలాగో చూద్దాం.
హ్యాక్ సంకేతాలివే..
మీ ఫోన్ వేగం బాగా తగ్గిపోయినా, యాప్స్ వంటివి ఎంతకూ ఓపెన్ కాకపోయినా, ఇంటర్నెట్ వాడేటప్పుడు అదేపనిగా పాపప్లు ఓపెన్ వస్తున్నా మీ ఫోన్ హ్యాక్ అయినట్లు భావించాలి.
ఇవి గమనించండి!
మీ ఫోన్లో కొత్త యాప్స్ కనిపించడం, మీ ప్రమేయం లేకుండా కాల్స్, మెసేజ్లు వెళ్లడం, ఇంటర్నెట్ డేటా త్వరగా అయిపోవడం, మొబైల్ స్క్రీన్లాక్ ఓపెన్ అవడం వంటివి జరిగినా మీ ఫోన్ హ్యాక్ అయినట్లే.
ఏం చేయాలి?
మీ మొబైల్ ఫోన్ హ్యాక్ అయినట్లు అనిపిస్తే కొన్ని జాగ్రత్తలు తీసుకోండి. మీ ఫోన్లో కొత్త యాప్స్ కనిపిస్తే డిలీట్ చేయండి. యాంటి వైరస్ యాప్ డౌన్లోడ్ చేసుకుని రన్ చేయండి.
పాస్వర్డ్స్ మార్చండి!
ఫోన్లో లాగిన్ పాస్వర్డ్స్ను మార్చుకుని, డేటాను బ్యాకప్ చేసుకుని ఫోన్ఫ్యాక్టరీ రీసెట్ చేయండి. ఆ తర్వాత కూడా హ్యాక్ సంకేతాలు కనిపిస్తే సైబర్ సెక్యురిటీకి సమాచారమిచ్చి వారి సాయం తీసుకోండి.