Hi NANNA : డిసెంబర్ నెలలో ఎన్నో సినిమాలు విడుదల కావాల్సి ఉంది .. కానీ సలార్ విడుదల డేట్ ఫిక్స్ చేశాక చాలా వరకు సినిమాలు తమ రిలీజ్ డేట్ మార్చుకున్నాయి. ఇలా రిలీజ్ డేట్ ప్రీపోన్ చేసుకున్న చిత్రం నేచురల్ స్టార్ నాని నటించిన హాయ్ నాన్న మూవీ. ఈ మూవీ నుంచి విడుదలైన ట్రైలర్, టీజర్ ,పాటలు మంచి సెన్సేషన్ సృష్టించాయి. తండ్రి కూతుర్ల సెంటిమెంట్ హైలైట్ గా వస్తున్న ఈ మూవీ మంచి పాజిటివ్ బజ్ నెలకొని ఉంది. అయితే ఊహించకుండా ట్రాక్ లోకి వచ్చిన యానిమల్ హాయ్ నాన్నకు టాటా.. బాయ్.. బాయ్ చెప్పేలా ఉంది.
ఇంతకీ విషయం ఏమిటంటే.. ఎమోషనల్ డెప్త్ ఉన్న రొమాంటిక్ ఫీల్ గుడ్ మూవీతో నాని డిసెంబర్ 7వ తారీఖున బరిలోకి దిగడానికి ఫుల్ కాన్ఫిడెంట్ గా ఉన్నాడు. మరొక మూవీకి సంబంధించిన ప్రమోషన్స్ విషయంలో కూడా ఒంటి చేతి పోరాటం చేస్తున్నాడు. హీరోయిన్ మృణాల్ వేరే సినిమా షూటింగ్స్ తో బిజీగా ఉన్న కారణంగా హాయ్ నాన్న మూవీ ప్రమోషన్స్ కి ఎక్కువ సమయం కేటాయించలేకపోతోంది. అందుకని నాని ఒక్కడే మూవీ ఎలాగైనా ప్రమోట్ చేయాలి అని వెరైటీ మార్గాలు ట్రై చేస్తున్నాడు.
ప్రస్తుతం తెలుగు రాష్ట్రాలలో ఉన్న ఎలక్షన్ ఫీవర్ ని కూడా తన మూవీ ప్రమోషన్ కి వాడుకున్నాడు నాని. వెరైటీ ప్రయత్నాలతో ప్రేక్షకులను అట్రాక్ట్ చేయడానికి ఎంతగానో ప్రయత్నిస్తున్నాడు. ఇంతవరకు అంతా బాగానే ఉంది కానీ ఊహించని విధంగా రంగంలోకి దిగిన
యానిమల్ ట్రైలర్.. అప్పటివరకు మూవీ పై ఉన్న అంచనాలను తలకిందులు చేసింది. దీంతో ముందంజలో ఉన్న హాయి నాన్న బజ్ చల్లారి పోయేలా ఉంది. ట్రైలర్ విడుదల తర్వాత యానిమల్ మూవీ పై అంచనాలు అమాంతం పెరిగాయి.
నిన్న జరిగిన ప్రీ రిలీజ్ ఈవెంట్ లో బాలీవుడ్ స్టార్స్ తో పాటు మహేష్ బాబు, రాజమౌళి లాంటి సెలబ్రిటీస్ సందడి చేశారు. నిన్న మొన్నటి వరకు ఎక్కడ శబ్దం కూడా వినిపించని ‘యానిమాల్’.. ఒక్కసారిగా గర్జిస్తోందా అనిపిస్తోంది. దీంతో నాని కూడా యానిమాల్ కు ధీటుగా తన మూవీ సౌండ్ పెంచాల్సిన అవసరం ఉంది అంటున్నారు అభిమానులు. రెండు సినిమాల విడుదల కి గట్టిగా వారం కూడా డిఫరెన్స్ లేదు. ఇక నాని మళ్లీ తన మూవీ హైట్ పెంచేలా ప్రమోషన్స్ పై కాన్సన్ట్రేట్ చేయాల్సి ఉంది.