Icecream Dosa : ‘నేను ట్రెండ్ ఫాలో అవను.. ట్రెండ్ సెట్ చేస్తాను’ అని పవన్ కళ్యాణ్ చెప్పే డైలాగ్ను.. ఓ టిఫిన్ సెంటర్ యజమాని అక్షరాలా నిజం చేశాడు. దోశలను చట్నీ, సాంబార్తోనే ఎందుకు తినాలి. వేడి వేడి దోశను చల్లని ఐస్క్రీమ్తో ఎందుకు తినకూడదు? అంటూ ఐస్క్రీమ్ దోశలు వేస్తున్నాడు. పదండి.. ఆ ఐస్క్రీమ్ దోశపై ఓ లుక్కేద్దాం.
బెంగళూరులోని జయనగర్లో ఉన్న ఓ స్ట్రీట్ ఫుడ్ వ్యాపారికి వచ్చిన ‘ఐస్క్రీమ్ దోశ’ ఆలోచన అతని బిజినెస్నే మార్చేసింది. అతని టిఫిన్ సెంటర్లో వేసే దోశలకు పైనా, కిందా ఐస్క్రీమ్ పూత వేస్తారు. ఆ తర్వాత ప్లేట్లో దోశ కాంబినేషన్కు చట్నీ, సాంబార్కు బదులు ఐస్క్రీమ్ స్కూప్స్ ఇస్తారు. ఐస్క్రీమ్ దోశ టేస్ట్ అదిరిపోవడంతో తక్కువ కాలంలోనే ఫేమస్ అయింది.