Suriya : కోలీవుడ్ స్టార్ హీరో సూర్యకు కంగువ సినిమా షూటింగ్ జరుగుతున్న సమయంలో ప్రమాదం జరిగినట్లు సమాచారం. సూర్య కెరీర్లో 42వ ప్రాజెక్ట్ గా వస్తున్న కంగువ చిత్రం షూటింగ్ ఫైనల్ షెడ్యూల్ జరుగుతుంది. భారీ బడ్జెట్ తో వస్తున్న ఈ సినిమాకు శివ దర్శకత్వం వహిస్తుండగా..దిశా పటాని హీరోయిన్ గా చేస్తోంది. కోవై సరళ చాలాకాలం తర్వాత మళ్లీ ఈ మూవీలో కనిపించనుంది. అలాగే కమెడియన్ యోగిబాబు కూడా ఈ సినిమాలో నటిస్తున్నాడు. ఇటీవలే థాయ్ లాండ్ లో షూటింగ్ పూర్తిచేసుకుని వచ్చిన టీమ్.. తాజాగా సినిమా ఫైనల్ షూటింగ్ ను చెన్నైలో ప్లాన్ చేసింది.

కంగువ సినిమా షూటింగ్ జరుగుతుండగా.. భారీ యాక్షన్ సీన్స్ లో పాల్గొన్న సూర్యపైకి రోప్ కెమెరా వచ్చి పడింది. దాంతో సూర్య భుజానికి గాయమైంది. వెంటనే షూటింగ్ ఆపేసిన యూనిట్ సభ్యులు.. సూర్యను ఆసుపత్రికి తరలించారు. ప్రస్తుతం సూర్య ఆసుపత్రిలోనే చికిత్స తీసుకుంటుండగా.. ఆయన ఆరోగ్య పరిస్థితి నిలకడగా ఉన్నట్లు సమాచారం. అదృష్టవశాత్తు ఆయనకు భుజం గాయంతో పెద్ద ప్రమాదం తప్పిందని చిత్రయూనిట్ భావిస్తోంది. రోప్ కెమెరా తలపై పడి ఉంటే.. పరిస్థితి మరోలా ఉండేదని సూర్య అభిమానులు అభిప్రాయపడుతున్నారు. ఆయన త్వరగా కోలుకోవాలని ప్రార్థిస్తున్నారు. కాగా.. సూర్యకు ప్రమాదం జరిగినట్లు ఇంతవరకూ కంగువా టీమ్ నుంచి ఎలాంటి సమాచారం లేదు.

Share

• 
• 
• 
• 
• 
•