Vishwak Sen : టాలీవుడ్ లో ఎలాంటి బ్యాగ్రౌండ్ లేకుండా వచ్చి.. హీరోగా సక్సెస్ అందుకున్న నటులలో విశ్వక్ సేన్ ఒకడు. షార్ట్ ఫిలిమ్స్ తో కెరీర్ మొదలు పెట్టి.. వెళ్లిపోమాకే సినిమాతో హీరోగా ఎంట్రీ ఇచ్చి.. ఈ నగరానికి ఏమైందితో హిట్ అందుకున్నాడు. ఆ తర్వాత ఫలక్ నుమా దాస్, హిట్, పాగల్, ఓరి దేవుడా, అశోకవనంలో అర్జున కల్యాణం, దాస్ కా ధమ్కీ సినిమాలతో వరుస హిట్లు అందుకుని ఫుల్ జోష్ మీద ఉన్నాడు. విశ్వక్ కు యూత్ లో మంచి ఫాలోయింగ్ ఉంది. ప్రస్తుతం గ్యాంగ్స్ ఆఫ్ గోదావరి సినిమాలో నటిస్తున్న విశ్వక్.. త్వరలోనే ప్రేక్షకుల ముందుకి రానున్నాడు.

తాజాగా జరిగిన మంగళవారం సక్సెస్ మీట్ కు గెస్ట్ వచ్చిన విశ్వక్.. అజయ్ భూపతి దర్శకత్వంలో మిస్సైన సినిమాల గురించి మాట్లాడాడు. ముందుగా హిట్ కొట్టిన మూవీ టీమ్ కు అభినందనలు తెలిపాడు. అనంతరం మాట్లాడుతూ.. RX100 సినిమాకు ఫొటోలు పంపమని డైరెక్టర్ అజయ్ భూపతి అడిగినపుడు కుదర్లేదన్నాడు. ఆ సమయంలోనే ఈ నగరానికి ఏమైంది సినిమాలో సెలెక్ట్ అవ్వడంతో ఫొటోలు పంపలేదన్నాడు.

ఆ తర్వాత మహాసముద్రం స్టోరీ కూడా విన్నానని, అప్పుడు కూడా డేట్స్ అడ్జస్ట్ అవ్వక సినిమా చేయలేదని తెలిపాడు. డేట్స్ లేకపోవడంతో విశ్వక్ ఆ రెండు సినిమాలను మిస్ అయినట్టు తెలుస్తోంది.

Share

• 
• 
• 
• 
• 
•