Yuzu Fruit : అందాన్ని పెంచే కాస్మోటిక్స్లో ఎన్నో రకాల పండ్లను ఉపయోగిస్తారు. ఇప్పుడు యుజు అనే పండు వాడకం అధికమైంది. యుజులో విటమిన్ సి పుష్కలంగా ఉంటుంది. నిమ్మకాయల కంటే రెండు రెట్లు, నారింజ కంటే ఐదు రెట్లు ఎక్కువ. ఇది ఫ్రీ రాడికల్స్ నుంచి చర్మాన్ని కాపాడుతుంది. చర్మ సౌందర్యాన్ని పెంచే ఈ యుజు ఫ్రూట్ ఉపయోగాలేంటో తెలుసుకుందాం రండి.
బోలెడు ప్రయోజనాలు:
యుజు పండు గుజ్జును పెరుగు, తేనెలో కలిపి పేస్టులా చేసుకోవాలి. ఆ పేస్టును ముఖంపై అప్లయ్ చేసుకోవాలి. ఇది చర్మాన్ని హైడ్రేట్ చేస్తుంది. ప్రకాశవంతంగా మారుస్తుంది.
యుజు పండు రసం, బ్రౌన్ షుగర్, ఆలివ్ ఆయిల్ కలిపి బాడీ స్క్రబ్ను తయారు చేసుకోవాలి. ఆ స్క్రబ్తో రుద్దితే చర్మంపై ఉన్న మృతకణాలు తొలగిపోయి చర్మం నిగనిగలాడుతుంది.