Afghan Commandos In Russia Army : ఓకప్పుడు అమెరికా సేనలతో కలిసి తాలిబన్ ఉగ్రవాదులపై పోరాడిన ప్రత్యేక కమాండోలు ఇప్పుడు రష్యన్ ఆర్మీలో చేరుతున్నారు. కొన్ని నెలల క్రితం అఫ్ఘనిస్తాన్ నుంచి అమెరికా సేనలు వెనుదిరిగాయి. దీంతో కమాండోలు తాలిబన్లు తమను తిరిగి అటాక్ చేస్తారన్న భయంతో వారంతా ఇరాన్కు వలస వెళ్లిపోయారు. రష్యా ఆర్మీ ఈ కమాండోలను తన సైన్యంలో చేర్చుకొని ఉక్రెయిన్పై యుధ్దానికి పంపిస్తోందని అఫ్గాన్ సీనియర్ ఆర్మీ అధికారి అబ్దుల్ రవూఫ్ వెళ్లడించారు.
రష్యా సైన్యంలో చేరిన ఒక్కో అఫ్గాన్ కమాండోకి నెలకు 1500ల డాలర్ల వేతనాన్ని రష్యా చెల్లింస్తోందని సీనియర్ ఆర్మీ అధికారి అన్నారు. అఫ్గనిస్తాన్లో అమెరికా సైన్యం వెను దిరగడంతో ఏమి చేయాలో తోచని అఫ్గాన్ కమాండోలకు ఇదో అవకాశంగా పరిణమించని ఆయన అన్నారు.